“ის საფრთხეები, რაზედაც ვსაუბრობდით, რეალური აღმოჩნდა”

დაიწყო შეხვედრა პარლამენტის იურიდიულ საკითხების კომიტეტში, არასამთავრობო ორგანიზაციებსა და იურიდიული საკითხებთან კომიტეტის თავმჯდომარეს პავლე კუბლაშვილთან. ისინი იმსჯელებენ პარტიების შესახებ ორგანულ კანონში შეტანილ ცვლილებებზე.

არასამთავრობო სექტორმა წარადგინა კანონპროექტი, რომლითაც ითხოვენ გარკვეული პუნქტებში ცვლილებების შეტანას. როგორც წინასწარი ინფორმაციით ხდება ცნობილი, იურიდიული საკითხთა კომიტეტი რაიმე მნიშვნელოვან ცვლილებებს არ განახორციელებს, რაზედაც საკუთარი პოზიცია პავლე კუბლაშვილმა შეხვედრის დაწყებამდე დააფიქსირა მედიასთან საუბრისას. რაც შეეხება იმას, რას ელოდებიან არასამთავრობო სექტორის წარმომადგენლები ამ შეხვედრისგან, “გურია ნიუსი” კოალიცია “არჩევნების თავისუფლებისთვის” წარმომადგენელს,

ირაკლი მელაშვილს ესაუბრა: _ ჩვენ წარდგენილი გვაქვს კონკრეტული კანონპროექტი და ამ 2-3 დღეში განვითარებულმა მოვლენებმა დაადასტურა, რომ ის საფრთხეები, რომელზედაც საუბრობდა არასამთავრობო სექტორი, აბსოლუტურად რეალურია. ხელისუფლება ამბობდა, რომ ეს ცვლილებები არ შეეხებოდა რიგით ადამიანებს, მაგრამ, აღმოჩნდა, რომ თურმე ყველას ეხება. ეხება იმ მოქალაქეებს, რომლებიც არანაირ კავშირში არ არიან პოლიტიკასთან, ხშირ შემთხვევაში ის ადამიანები იყვნენ დაბარებულები კონტროლის პალატის მიერ. ამ ადამიანებს არანაირ ხარჯები არ ჰქონდა გაწეული პოლიტიკური პარტიების სასარგებლოდ. მიუხედავად ამისა, იბარებდნენ ამ ადამიანებს და დაკითხვას უტარებდნენ საათების განმავლობაში. სწორედ ამ მუხლების შეცვლაზე და ამ პრობლემების დაზუსტებაზე გვექნება საუბარი. კონტროლის პალატას არ ჰქონდა არანაირ უფლება ასეთი ფორმით ჩაეტარებინა ეს პროცედურა და შეელახა ჩვენი მოქალაქეების უფლებები, _ გვითხრა მელაშვილმა.