ბრიტანელებმა “Metallica” საუკეთესო როკჯგუფად აღიარეს

რამდენიმე დღის წინ დიდ ბრიტანეთში გამომავალმა მუსიკალურმა ჟურნალმა "Kerrang!" გამოაქვეყნა მისი ვერსიით, უკანასკნელი ოცდაათი წლის განმავლობაში  მსოფლიოს საუკეთესო როკ ჯგუფების ჩამონათვალი.

ბოლო ოცდაათი წლის განმავლობაში მსოფლიოს საუკეთესო როკ-ჯგუფად მიჩნეულია "Metallica".

"ძალიან გვესიამოვნა როდესაც გავიგეთ, რომ გამომცემლობამ "Kerrang!" საუკეთესო როკ-ჯგუფის წოდება მოგვანიჭა. ბრიტანელების აზრით, ჩვენ მთელი თაობის მსოფლმხედველობის ჩამოყალიბებაში განსაკუთრებული ფუნქცია შევასრულეთ. წინა საუკუნის 80-იან წლებში ბრიტანული მეტალის უკეთ გაცნობის მიზნით ინგლისში რამდენიმე წლის განმავლობაში ვცხოვრობდი. ხშირად მიწევდა მოგზაურობაც და ჟურნალი "Kerrang!" ჩემი მუდმივი მეგზური გახლდათ" – განაცხადა "Metallica"-ს დამრტყმელმა ლარს ულრიხმა.

ბოლო ოცდაათწლეულის მსოფლიოს საუკეთესო როკ-ჯგუფების პირველი ხუთეული შემდეგნაირად გამოიყურება.

1. Metallica

2. Green Day

3. Iron Maiden

4. Slipknot

5. My Chemical Romance