19 მარტს, ოზურგეთში, კონტროლის პალატის წარმომადგენლებმა მორიგ დაკითხვაზე ლანჩხუთელი ოპოზიციონერები _ რომან ბიწაძე და ელგუჯა ჩხაიძე იხმეს. დაკითხვაზე შესვლა ორივემ ჟურნალისტების თანხლებით შესვლა მოითხოვა.
_ მიუხედავად იმისა, რომ მოვითხოვე დაკითხვაზე ჟურნალისტებთან ერთად შესვლა, კონტროლის პალატის წარმომადგენლისგან უარი მივიღე, _ გვითხრა დაკითხვიდან გამოსულმა ელგუჯა ჩხაიძემ.
რაც შეეხება რომან ბიწაძეს, მან ოზურგეთის მუნიციპალიტეტის ადმინისტრაციის პირველ სართულზევე მოითხოვა, ჟურნალისტებთან ერთად შესულიყო დაკითხვაზე, მაგრამ დაცვის სამსახურისგან მტკიცე უარი მიიღო:
_ გთხოვ, გაარკვიეთ კონტროლის პალატის წარმომადგენელთან და მითხარით, რატომ არ უშვებენ ჟურნალისტებს, _ მიმართა ბიწაძემ დაცვის პოლიციას, რაზეც ასეთი პასუხი მიიღო: _ ვიკითხეთ, მაგრამ არანაირი მითითება არ გვაქვს და თქვენ მარტო უნდა შემოხვიდეთ.
საგანგებოდ უნდა აღვნიშნოთ, რომ გუშინ, 18 მარტს, საზოგადოებრივი მაუწყებლის ეთერში, კონტროლის პალატის თავმჯდომარემ ლევან ბეჟაშვილმა თქვა, რომ არანაირი პრობლემა არ არის დაკითხვაზე ჟურნალისტების შესვლაზეო. თუმცა, როგორ სწამთ ფიცი ჩვენს "პალატელებს" და აკვირვებთ თუ არა მისი ბოლო, ფაქტი სახეზეა.
