ბისკვიტისთვის საჭირო მასალა: 5 ცალი კვერცხი, 2 ჭიქა შაქარი, 250 გრამი კარაქი, ერთი ჭიქა მაწონი, სოდა, ვანილი. პურის ფქვილი საჭირო რაოდენობით.
კარგად ავთქვიფოთ კვერცხი, დავუმატოთ შაქარი, კვლავ კარგად ავთქვიფოთ. შემდეგ მაწონში ჩავუშვათ სოდა და კარგად აფუებული ეს მასა ჩავასხათ გოგლიმოგლში. ავთქვიფოთ. ცალკე ამოვიყვანოთ კარაქი ვანილთან ერთად და შევურიოთ. ფრთხილად დავამატოთ უმაღლესი ხარისხის პურის ფქვილი და დავაყენოთ არაჟნის სისქის მასა _ ცომი.
ვაცხობთ სამ ფენად, პერგამენტდაფენილ ტაფაზე ან "ჟარონაზე", საშუალო ტემპერატურაზე.
კრემად გავაკეთოთ ჩვეულებრივი ფაფა რძით და კარაქით.
თითოეულ ფენაზე კრემის წასმის შემდეგ, მჭიდროდ დავალაგებთ ძალიან წვრილად დაჭრილი ხილის: ვაშლის, მსხლის, ფორთოხლის, ბანანის ნაჭრებს, ყურძნის მარცვლებს. ასევე, შეგვიძლია, ცოტა რაოდენობით შევურიოთ წვრილად დანაწილებული ალუბლის და კომშის მურაბის ნაჭრები. ბოლო ფენას, კრემის წასმის შემდეგ, მხოლოდ ერთი სახის ხილი, (ბანანი, ვაშლი ან კომში) სახეხზე მოზრდილ ზომებად დანაფოტებული სახით მოვაყაროთ. მოვაბნიოთ შაქრის პუდრა.
ნამცხვარი "საშემოდგომო" ხილის წვენთან ერთად მირთმეული განსაკუთრებით ეფექტური და გემრიელია.
