დღეს ქალაქ ოზურგეთის მუნიციპალიტეტის საკრებულოს სხდომა გაიმართა. სხდომაზე ქალაქ ოზურგეთის მუნიციპალიტეტის მერიის საფინანსო-საბიუჯეტო სამსახურის უფროსმა, მარიკა ნაცვალაძემ იმ ცვლილებების შესახებ ისაუბრა, რომელიც 2015 წლის ბიუჯეტში უნდა განხორციელდეს.
"ქალაქ ოზურგეთის მუნიციპალიტეტის საკრებულოს 2014 წლის 26 დეკემბრის #45 დადგენილების შესაბამისად დამტკიცებულ ბიუჯეტში საჭიროა განხორციელდეს ცვლილებები. ბიუჯეტი შემოსავლების ნაწილში გაიზარდოს 146.1 ათასი ლარით; გადასახადი ქონებაზე -135.0 ათასი ლარით; შემოსულობა არაფინანსური აქტივების გაყიდვიდან-11.1 ათასი ლარით.
ცვლილება უნდა განხორცილდეს ბიუჯეტის შემოსავლების შემდეგ კოდებზე: შემოსავლები – შემცირდეს 141.4 ათასი ლარით და გაიზარდოს შემოსულობა არაფინანსური აქტივების გაყიდვიდან – 141.4 ათასი ლარით.
საჭიროა განხორციელდეს ცვლილება ბიუჯეტის ხარჯვით ნაწილში ფუნქციონალურ ჭრილში კერძოდ: ქალაქ ოზურგეთის საკრებულო – საქონელი და მომსახურება შემცირდეს – 17.0 ათ. ლარით;
ქალაქ ოზურგეთის მერია – საქონელი და მომსახურება შემცირდეს -35.0 ათ. ლარით;
წინა წლებში წარმოქმნილი დავალიანების დაფარვა და სასამართლოს გადაწყვეტილებების აღსრულების ფინანსური უზრუნველყოფა- ვალდებულებების კლება შემცირდეს – 8.0 ათასი ლარით; სკოლამდელი განათლების დაფინანსება -სუბსიდია შემცირდეს – 30,0 ათ. ლარით;
სპორტული ღონისძიებების დაფინანსება – საქონელი და მომსახურება შემცირდეს – 29.2 ათასი ლარით; ა.(ა).ი.პ. თვითმმართველი ქალაქი ოზურგეთის მუნიციპალიტეტის ისტორიული მუზეუმი -სუბსიდია შემცირდეს – 16.0 ათ. ლარით;
საზოგადოებრივი და ახალგაზრდული პროგრამების დაფინანსება-საქონელი და მომსახურება შემცირდეს – 7.2 ათ. ლარით.- თქვა მარიკა ნაცვალაძემ.
მისივე თქმით, აღნიშნული ცვლილებების შედეგად წარმოიშვა ეკონომია – 142.4 ათასი ლარი. წარმოშობილმა ეკონომიამ და შემოსავლების ზრდამ შეადგინა 288.5 ათ. ლარი, რომელიც საჭიროა მიემართოს შემდეგ პროგრამებზე: ა.(ა).ი.პ. " ქალაქ ოზურგეთის მუნიციპალიტეტის საფეხბურთო კლუბი "მერცხალი" -სუბსიდია გაიზარდოს – 111.3 ათ.ლარით, აღნიშნული თანხა მიიმართება კლუბის სახელფასო დავალიანების და ფუნქციონირებისათვის საჭირო ხარჯების (კომუნალური, კვება, გუნდის ტრანსპორტირების) დასაფარავად;
დასუფთავების ღონისძიებები-სუბსიდია გაიზარდოს 38.0 ათ. ლარით;
კომუნალური მომსახურების ცენტრი-სუბსიდია გაიზარდოს 39.0 ათ. ლარით.
აღნიშნული ცვლილებით ფინანსდება ა(ა)იპ ოზურგეთის სერვის ცენტრი, რომლის ხარჯების დაფინანსება სრულად ვერ იქნა განხორციელებული ბიუჯეტის ცვლილების დროს. გარე განათების ა მომსახურება გაიზარდოს 18.5 ათასი ლარით.
ა.(ა).ი.პ. "ქალაქ ოზურგეთის მუნიციპალიტეტის თოჯინებისა და მოზარდ მაყურებელთა პროფესიული თეატრის სუბსიდია გაიზარდოს 2.9 ათასი ლარით (სპექტაკლის ,"საახალწლო ზღაპრის" მომზადება და უფასო ჩვენება სოციალურად დაუცველი ოჯახების ბავშვებისა და საქველმოქმედო ასოციაცია "გურიას" ბენეფიციარებისათვის);
ა.(ა).ი.პ. "ქალაქ ოზურგეთის მუნიციპალიტეტის მერიის კულტურისა და დასვენების პარკის სუბსიდია გაიზარდოს 2.6 ათასი ლარით.აღნიშნული ცვლილება გამოწვეულია საშტატო განრიგში ცვლილების შეტანით.
ა.(ა).იპ ქალაქ ოზურგეთის მუნიციპალიტეტის კულტურისა და მოსწავლე ახალგაზრდობის ცენტრის სუბსიდია გაიზარდოს 7.6 ათასი ლარით. აღნიშნული ცვლილება ითვალისწინებს შრომის ანაზღაურების გაზრდას. სსიპ ქ. ოზურგეთის ალექსანდრე წუწუნავას სახელობის სახელმწიფო დრამატული თეატრის გრანტები გაიზარდოს 30.0 ათასი ლარით. ცვლილება განხორციელებულია თეატრის მიმდინარე ხარჯების დასაფარავად (შრომის ანაზღაურება, კომუნალური ხარჯები).
ეკლესიის ხელშეწყობის პროგრამისთვის სუბსიდია გაიზარდოს 10.0 ათასი ლარით. აღნიშნული ცვლილება ითვალისწინებს ქალაქის ტერიტორიაზე არსებულ ეკლესია მონასტრებში მიმდინარე სარემონტო სამუშაოების დასრულებას.
არაფინანსური აქტივების ზრდა გაიზარდოს 28.6 ათასი ლარით. აღნიშნული მიიმართება საპროექტო სახარჯთაღრიცხვო დოკუმენტაციის მომზადების ხარჯების ასანაზღაურებლად. (აღმაშენებლის ქუჩისა და კოსტავას ქუჩის ტროტუარების და სანიაღვრე არხების კეთილმოწყობა; გურიისა და ნიკო ნიკოლაძის ქუჩების ტროტუარების კეთილმოწყობა.)
ქალაქ ოზურგეთის მუნიციპალიტეტის საკრებულოს დეპუტატის, გოჩა ძიმისტარაშვილის თქმით, კარგი იქნება, როცა ბიუჯეტში ცვლილება მოხდება, ინფრასტრუქტურულ და სოციალურ პროგრამებზე აისახოს.
"ჩემი აზრით ოზურგეთის სახელმწიფო თეატრს უნდა აფინანსებდეს კულტურის სამინისტრო და არა ქალაქ ოზურგეთის ბიუჯეტი. ასევე მაინტერესებს და იმედი მაქვს ეს თანხა, რომლის ცვლილება უნდა მოხდეს, პრემიებისთვის არ არის გამოწერილი." – თქვა გოჩა ძიმისტარაშვილმა.
მარიკა ნაცვალაძის თქმით, როდესაც ხდება ბიუჯეტში ცვლილება, ყოველთვის ემატება ინფრასტრუქტურულ და სოციალურ პროგრამებს.
საუბარში ჩაერთო დეპუტატი ნათია შარაშენიძე. "თქვენ გინდა თქვათ, რომ სოციალურად დაუცველები თავს ბედნიერად თვლიან, იმ პროგრამებით, რაც ბიუჯეტით არის გათვალისწინებული?" იკითხა შარაშენიძემ.
ნაცვალაძემ განმარტა, რომ შემოსული წერილები, რომლებშიც მოქალაქეები ითხოვდნენ დახმარებას, შეძლებისდაგვარად დაკმაყოფილდა.
