ვლადიმერ პუტინმა აშშ-ს პრეზიდენტობის კანდიდატი დონალდ ტრამპი ბრწყინვალე, ნიჭიერ ადამიანად მოიხსენია და მისი მხრიდან რუსეთის ფედერაციასთან დაახლოების სურვილს მიესალმა.
17 დეკემბრის პრეს-კონფერენციაზე, პუტინმა აშშ-ს პრეზიდენტობის კანდიდატზე – დონალდ ტრამპზე ისაუბრა. მან რუსეთთან დაახლოების შესახებ ტრამპის ინიციატივაზე კმაყოფილება გამოთქვა.
„ის ამბობს, რომ რუსეთთან ურთიერთობაში სხვა – უფრო მჭიდრო, ღრმა დონეზე გადასვლა სურს, განა შეიძლება ჩვენ ამას არ მივესალმოთ? ბუნებრივია, ჩვენ ამას მივესალმებით“ – განაცხადა პუტინმა.
რუსეთის პრეზიდენტმა ტრამპს ბრწყინვალე და ნიჭიერი ადამიანი უწოდა და აშშ-ს საპრეზიდენტო მარათონში ტრამპის ლიდერობაც აღნიშნა : „ჩვენი საქმე არ არის მისი ღირსეულობის განსაზღვრა, მაგრამ ის საპრეზიდენტო მარათონის აბსოლუტური ლიდერია“.
Developed By Web Features 2024 © All rights reserved