საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ) 2016 წლის პირველ საჯარო სხდომასხდომა გამართა, სადაც დღის წესრიგით გათვალისწინებული 55 საკითხი განიხილა.
როგორც "გურია ნიუსს' სემეკიდან აცნობეს, განსახილველი საკითხების უმეტესობა მოქალაქეებსა და ელექტროენერგიის, ბუნებრივი გაზის, წყალმომარაგების გამანაწილებელ კომპანიებს შორის არსებულ დავებს შეეხებოდა.
"მოქალაქეთა საჩივრები მოიცავდა ხანდაზმულ დავალიანებებს, უსაფუძვლოდ დარიცხულ თანხებს, მრიცხველის საფასურს, კომპანიის დადგენილებებს აბონენტთა ადმინისტრაციულ სამართალდამრღვევებად ცნობის თაობაზე. საჩივრების უმეტესობა შპს "ყაზტრანსგაზ თბილისის" მიმართ დაფიქსირდა. მთლიანობაში ჩამოწერილი თანხების ოდენობამ 154 000 ლარი შეადგინა", _ აღნიშნავენ სემეკში.
კომისია შეახსენებს მოქალაქეებს, რომ იმ შემთხვევაში თუ ელექტროენერგეტიკის, ბუნებრივი გაზისადა წყალმომარაგების სექტორებში მოქმედი კომპანიების მხრიდან ადგილი აქვს მათი უფლებების დარღვევას, მიმართონ სემეკს ან სემეკთან არსებულ ენერგოომბუდსმენის სამსახურს. მოქალაქეებს კონსულტაციების მიღება შეუძლიათ როგორც ცხელ ხაზზე 242 01 80, ასევე Facebook-ის კომისიის ოფიციალურ გვერდზეც.
