გამოკითხვა _ რომელი პრობლემა უნდა მოაგვაროს ყველაზე სწრაფად ხელისუფლებამ?

ზურაბ ბერძენიშვილი, ჩოხატაური:

_ საყოფაცხოვრებო პირობები _ გარემოს მოწესრიგება, სიმშვიდე, სიწყნარე მოსახლეობისთვის კარგი იქნება.

იზო ძნელაძე, ჩოხატაური:

_ პირველ რიგში, უნდა მოაგვაროს სოციალური პრობლემა _ ხალხს ძალიან უჭირს.

ლადო მამალაძე, ჩოხატაური:

_ პრობლემა ძალიან ბევრია ჩოხატაურში, მაგრამ ყველაზე სწრაფად სოფლებში უგზოობის პრობლემა უნდა მოგვარდეს. განსაკუთრებით სურებში, სამებაში, შუაგანახლებაში და ზომლეთში.

შოთა გურგენიძე, ჩოხატაური:

_ სოციალური პრობლემა.

ცირა შევარდნაძე, ოზურგეთი:

_ სოციალური პრობლემა. ხალხს დაეხმარონ, რომ წამლები შეღავათიან ფასებში იყიდონ.

რამაზ ვასაძე , ოზურგეთი:

_ ხალხის გაჭირვება უნდა მიიტანონ გულთან.

თემურ შოვნაძე, ქალაქი ოზურგეთი:

_ ხალხს უჭირს. მთავრობას ვთხოვთ, მოაგვარონ მთავარი _ სოციალური პრობლემები.

სერგო ბარანიკოვი, ოზურგეთი:

_ უმუშევრობის პრობლემაა მოსაგვარებელი .

მანანა მემარნიშვილი, ქალაქი ოზურგეთი:

_ იმდენი პრობლემაა, პასუხის გაცემა მიჭირს, მაგრამ მაინც, ალბათ, ეკონომიური.

ნუგზარ გვარჯალაძე, ლანჩხუთი:

_ ყველაზე მეტად სოციალური პრობლემები აწუხებს მოსახლეობას და ესაა მისახედი.

რეზო ორაგველიძე, ლანჩხუთი:

_ რა თქმა უნდა, სოციალური.

ჯაბა წილოსანი, ლანჩხუთი:

_ პრობლემები ბევრია, რა ვიცი.

მაყვალა ჩხაიძე, ლანჩხუთი:

_ უმუშევრობა, გაჭირვება, სოციალური პრობლემები.