რამდენიმე წუთის წინ “გურია ნიუსს” საქართველოს კონტროლის პალატის მიერ გამოგზა ვნილი პასუხები მოუვიდა.
ჩვენს მიერ მიმდინარე წლის 20 მარტს კონტროლის პალატას 8 წერილი გაეგზავნა. მათგან მხოლოდ სამზე მივიღეთ პასუხი 2 აპრილს.
“გურია ნიუსი” 2012 წლის 20 მარტს გაგზავნილი წერილით კონტროლის პალატას თხოვდა საჯარო ინფორმაციას იმის შესახებ თუ რამდენ პირს გაეგზავნა უწყება საქართველოს კონტროლის პალატის პოლიტიკური პარტიების ფინანსური მონიტორინგის სამსახურის მიერ.
როგორც კონტროლის პალატის მიერ მოწერილი პასუხების მიხედვით ირკვევა, პოლიტიკური პარტიების ფინანსური მონიტორინგის სამსახურის მიერ დაწყებულ ადმინისტრაციულ სამართალდარღვევის საქმისწარმოებასტან დაკავშირებით უწყება გაეგზავნა 370 პირს, ხოლო ახსნა-განმარტება ჩამოერთვა 295 პირს.
“გურია ნიუსი” კონტროლის პალატისგან ასევე ითხოვდა ინფორმაციას იმის შესახებ, იყო თუ არა ეს უწყებები კანცელარიაში გატარებული, რაზედაც კონტროლი პალატის პასუხი ასეთი გახლავთ:
“მიუხედავად იმისა, რომ ზემოთხსენებული უწყებები არ ექვემდებარება რეგისტრაციას, თითოეული მათგანი რეგისტრირებულია კონტროლის პალატის ადმინისტრაციული დეპარტამენტის საორგანიზაციო სამმართველოში”
კონტროლის პალატის მხრიდან გამოგზავნილ წერილს ხელს აწერს ადმინისტრაციული დეპარტამენტის უფროსის მოვალეობის შემსრულებელი დავით კაპანაძე.
