აღნიშნულის გამო რედაქციამ სპეციალური განცხადება გაავრცელა, რომელსაც უცვლელად გთავაზობთ.
“6 აპრილს, მორიგი „ეგზეკუცია“ ქობულეთში, მზევინარ მანელიშვილის ოჯახს მიადგა. ფაქტის გადაღების დროს, პოლიციის რამდენიმე თანამშრომელი, საკუთარი ხელმძღვანელის თვალწინ, მედიაჯგუფ „აჭარა P.S“ -ის ჟურნალისტ სულხან მესხიძეს ხელით შეეხო და ჟურნალისტური მოვალეობის შესრულებაში ხელი შეუშალა, რაც ჩვენს მიერ გადაღებულ ვიდეომასალაზე გარკვევით ჩანს. პოლიციელები ცდილობდნენ ჟურნალისტისთვის კამერის ხელიდან გამოგლეჯას”, _ აღნიშნულია განცხადებაში.
მედიაჯგუფ „აჭარა P.S“ -ის გენერალური დირექტორისა და რედაქტორის ჯემალ მეგრელიძის განცხადებით, რედაქცია აღნიშნულ ფაქტს რეაგირების გარეშე არ დატოვებს და დაუყოვნებლივ მიმართავს საქართველოს შინაგან საქმეთა სამინისტროს შესაბამის სამსახურებს, მოახდინონ ინციდენტზე რეაგირება.
საბანკო კრედიტებს შეწირული ოჯახების გამოსახლების პროცესი ქობულეთში ისევ გრძელდება.
