ამერიკის შეერთებული შტატების ფინანსთა მინისტრის მოადგილის ადამ შუბინის განცხადებით, ვლადიმერ პუტინი კორუმპირებულია და საკუთარ ქონებას მალავს.
როგორც ცნობილია, აღნიშნული განცხადება მან BBC-ის საგამოძიებო გადაცემა პანორამას ეთერში გააკეთა.
მან ასევე აღნიშნა, რომ ამერიკის შეერთებულ შტატებში პუტინის კორუმპირებულობის შესახებ დიდი ხანია იციან.
"მისი სიმდიდრე ცნობილია მხოლოდ მათთვის, ვისაც პუტინი მეგობრად ცნობს. ის ხელმძღვანელობს მათ, ვისიც სჯერა, რომ მას ემსახურება,"_ განაცხადა ადამ შუბინმა.
ამერიკის შეერთებული შტატების ცენტრალური სადაზვერვო სააგენტოს 2007 წლის მონაცემებით პუტინის სიმდიდრე 40 მილიარდ დოლარს შეადგენდა.
"მას სავარაუდოდ წელიწადში სახელმწიფო ხელფასის სახით 110 000 დოლარი აქვს, რაც მას საკუთარი სიმდიდრის შენიღბვაში ეხმარება," _ განაცხადა შუბინმა.
გავრცელებული ინფორმაციით, პუტინი საკუთარ სიმდიდრეს უარყოფს, მაგრამ BBC-ის ჟურნალისტები იმ პირებს ესაუბრნენ, რომლებიც საიდუმლო ინფორმაციას ფლობენ.
დიმიტრი სკარგას თქმით, 2002 წელს პუტინმა იახტა ოლიმპიაში 35 მილიონი დილარი გადაიხადა და ის საჩუქრად იმ ოფშერული კომპანიისგან მიიღო, რომლის მფლობელიც თავად რუსეთის პრეზიდენტია.
გავრცელებული ინფორმაციით, დიმიტრი სკარგა კომპანია "სოვკომფლოტის" ყოფილი თავმჯდომარეა და ახლა რუსეთში მასზე ძებნაა გამოცხადებული.
როგორც ცნობილია, 2014 წელს ამერიკის შეერთებულმა შტატებმა რუსეთს სანქციები იმის გამო დაუწესა, რომ პუტინი ენერგეტიკის სექტორში საიდუმლო ინვესტიციებს ახორციელებდა, რასაც მოგვიანებით უკრაინაში არასამართლებრივი ქმედების გამო სანქციების გაფართოება მოყვა.
გავრცელებული ინფორმაციით, პუტინს ლიტვინენკოს, რუსეთის ყოფილი უშიშროების ფედერალური აგენტისა და კრიტიკოსის რადიოაქტიული პოლონიუმით მოწამვლაში ადანაშაულებენ.
