ქალბატონებო და ბატონებო!
გელით პასქის ფესტივალი
ფესტივალი გაიმართება აღდგომის ბრწყინვალე კვირის ოთხშაბათს, 8 მაისს, 15 საათზე ქალაქ ოზურგეთში, ჭადრების ბაღში (საკათედრო ტაძრის მიმდებარე პარკი).
მოგიწოდებთ შემოგვიერდეთ, რათა კიდევ ერთხელ ვაჩუქოთ ჩვენს ქალაქს ლამაზი დღესასწაული და ერთად შევძლოთ დახმარების ხელი გავუწოდოთ თანამემამულეებს, რომელთაც სწორედ ახლა სჭირდება ჩვენი თანადგომა.
ფესტივალის მიზანი უცვლელია _ კულინარ-დიზაინერთა გამოვლენა და ქველმოქმედება, შეგროვილი შემოწირულობები თქვენი სახელით გადაეცემა შეჭირვებულ ოჯახებს.
ფესტივალში მონაწილე კომპოზიციის ავტორებს და კულინარებს გადაეცემათ სიგელები, გამარჯვებულებს _ დიპლომები და პრიზები.
ნომინაციებზე წარმოდგენილი პასქები და სააღდგომო კომპოზიციები თქვენი სურვილის შესაბამისად გახდება ფესტივალის საკუთრება, რომლებიც გამოიყენება ქველმოქმედებისათვის.
აქვე გამოიფინება და გაიყიდება ხელნაკეთი სხვადასხვა ტიპის ნივთი ავტორთა სურვილის მიხედვით. ეს ნივთები არ წარმოადგენს ფესტივალის საკუთრებას.
ფესტივალის მიმდინარეობის ვიდეო და ფოტო მასალა განთავსდება ინტერნეტში, ფეისბუკის „პასქის ფესტივალის“ გვერდზე: www.facebook.com/პასქისფესტივალი
საფესტივალო კომპოზიციის გაფორმება
კომპოზიციის აუცილებელი ატრიბუტია პასქა, დიზაინერის სურვილის შესაბამისად გაფორმებისათვის გამოიყენება მაგიდაზე გადასაფარებელი სუფრა, ჯეჯილი, შეღებილი კვერცხი, წითელი ღვინო, მძივები… მონაწილეს მოეთხოვება დეგუსტაციისათვის წარმოადგინოს პასქის პატარა ნაჭრებიც (შესაძლოა წკირებზე აცმული).
ფესტივალის ნომინაციები:
• ყველაზე გემრიელი პასქა;
• ყველაზე პიკანტური გემო;
• ყველაზე ტრადიციული კომპოზიცია;
• ყველაზე ნოვატორული კომპოზიცია;
• ფესტივალის სტუმარი (უცხო ქვეყნის ტრადიციების გაცნობისათვის);
• ფესტივალის სპეციალური პრიზი;
• ნორჩი კულინარ-დიზაინერი
• ფესტივალის აღმოჩენა
• ორიგინალური კომპოზიცია
• ხალხის სიმპათია
მონაწილეობა
მონაწილეობის მიღების მსურველებმა დაგვირეკეთ : 595 62 51 15; 599 78 78 33; 0(496)274144;
შევსებული განაცხადის წარმოდგენის /გამოგზავნის შემდეგ ავტომატურად ითვლებით ფესტივალის მონაწილედ.
შესაძლებელია კომპოზიციები წარმოადგინოს ორგანიზაციებმა და კერძო პირებმა.
წინასწარ დიდ მადლობას მოგახსენებთ თანამშრომლობისათვის!
მოგვწერეთ: liakila8@gmail.com
“პასქის ფესტივალი” სიყვარულით ელოდება ყოველ თქვენგანს!
ღმერთს ებარებოდეთ!
სიყვარულით ფესტივალის საორგანიზაციო ჯგუფი: დეკანოზი ბასილი (კვირჩილაძე), ლია კილაძე, მარინა ჯაფარიძე, ლალი კილაძე
