გამოკითხვა _ როგორ აისახა ლარის გაუფასურება თქვენი ოჯახის ბიუჯეტზე?

ბიძინა ზენაიშვილი, ლანჩხუთი:

_ არც ბანკის სესხი მაქვს და არც ხელფასი, მაგრამ მაინც უარყოფითად აისახა.

მაცი ბურჭულაძე, ლანჩხუთი:

 _ გლეხებისთვის ბევრი არაფერი შეცვლილა _ მჭადი და ლობიო ისედაც აქვთ, მაგრამ ზოგადად, ყველა ოჯახის ბიუჯეტზე აისახა ლარის გაუფასურება. განსაკუთრებით, წამლებზეა ფასები მომატებული.

კახა ბურძგლა, ლანჩხუთი:

_ რა თქმა უნდა, უარყოფითად აისახა.

ნატალია გოგორიშვილი, ლანჩხუთი:

_ ლომბარდში ოქრო მაქვს ჩადებული და დოლარში გამოტანილი. ამიტომ ძალიან ცუდად იმოქმედა ლარის კურსის ვარდნამ ჩემს ბიუჯეტზე.

გოჩა როყვა, ოზურგეთი:

_ ძალიან მძიმედ, ძალიან!

ნატო ლეჟავა, ოზურგეთი:

_ ძალიან ცუდად _ დაცარიელდა ჯიბეები! საერთოდ არ გვაქვს შემოსავალი, არც ვმუშაობთ.

ირინა სალუქვაძე, ოზურგეთი:

_ ცუდად აისახა _ბანკში ვალი გვაქვს, ოჯახის ეკონომიკას ეტყობა ეს ყველაფერი, მეც განვიცდი.

 ზაზა ცეცხლაძე, ოზურგეთი:

_ არ ვიცი… ვერ გეტყვით. ხელფასი იგივე დაგვრჩა, რასაც ვყიდულობდი, ვყიდულობ. ძალიან მძიმედ არა.

მზევინარ კვირკველია, ოზურგეთი:

_ გაძვირდა ყველაფერი, ძალიან ცუდი მდგომარეობაა. ჩემზე ძალიან ცუდად მოქმედებს და ალბათ, სხვაც ასე იქნება.

ქეთევან ქორიძე, ჩოხატაური:

_ ცუდად. არაა კარგი ლარის ასე გაუფასურება.
ვანო ბარამიძე , ოზურგეთი:

_ ძალიან ცუდად. გაფუჭდა ლარი, სულ წავიდა ხელიდან. დამნაშავე მთავრობაა, ფინანსთა სამინისტრო _ მაგენი ათეთრებენ ფულს.

დოდო მაღრაძე, ჩოხატაური:

_ ალბათ, რომ ყველა ოჯახს დაეტყო ლარის გაუფასურება, განსაკუთრებით იმათ, ვისაც დოლარში აქვთ აღებული სესხი.
თამაზ ჩხიკვიშვილი, ჩოხატაური:

 _ სადაა ბიუჯეტი ან ვის აქვს ფული?! ხალხს ერთი თეთრი არ აქვს ჯიბეში. რომელ დოლარზეა საუბარი?!
თამაზ ბერძენიშვილი, ჩოხატაური:

_ ყველა ოჯახზე უარყოფითად მოქმედებს ლარის გაუფასურება.

ნანა აბუსერიძე, ჩოხატაური:

_ ძალიან ცუდად! ეკონომიკურად გვიჭირს. ლარი გაუფასურდა, ხელფასი ისედაც დაბალი გვაქვს. ცოტა კი მოგვიმატეს, მაგრამ იმდენი მაინც არაა, რომ თავი ვირჩინოთ.