საქართველოს დაფლეთილი სახელმწიფო დროშა ოზურგეთში, ჭავჭავაძის და რუსთაველის ქუჩის კვეთაზე მდებარე საცხოვრებელი სახლის სახურავზე დიდი ხანია ფრიალებს.
საქართველოს ორგანული კანონში საქართველოს სახელმწიფო დროშის შესახებ წერია, რომ "დროშის დაცვას უზრუნველყოფენ შესაბამისი სახელმწიფო და ადგილობრივი თვითმმართველობის ორგანოები და აკრძალულია დაზიანებული, გაუფერულებული ან სხვაგვარად შელახული საქართველოს სახელმწიფო დროშის გამოყენება"
კანონის თანახმად, სახელმწიფო დროშის გამოყენების დადგენილი წესის დარღვევა, იწვევს პასუხისმგებლობას საქართველოს კანონმდებლობის შესაბამისად.
როგორც "გურია ნიუსს" ქალაქ ოზურგეთის მუნიციპალიტეტის მერიის პრესსამსახურში უთხრეს, დაზიანებული დროშა დღის ბოლომდე გამოიცვლება.
" დროშა ჭავჭავაძის ქუჩაზე დღის განმავლობაში შეიცვლება. მადლობა "გურია ნიუსს’" ქალაქ ოზურგეთის მუნიციპალიტეტის მერიასთან კოორდინირებული თანამშრომლობისთვის."
– გვითხრეს ქალაქ ოზურგეთის მუნიციპალიტეტის მერიაში.
