დღეს ლანჩხუთის მუნიციპალიტეტის გამგებელმა ზაზა ურუშაძემ ქალაქის სკვერში მიმდინარე სამუშაოები დაათვალიერა. მასთან ერთად ქონების მართვის სამსახურის უფროსი გიორგი ფაცურია და ინფრასტრუქტურისა და არქიტექტურის სამსახურის უფროსი ლევან ჩხაიძე იმყოფებოდნენ.
გამგებელმა გიორგი ფაცურიას დაავალა, რომ თითოეული ფილა აღრიცხოს და კონტროლი გაუწიოს ყველა მასალას, რომლის აღებაც ამ დროისთვის მიმდინარეობს.
რაც შეეხება განახლებულ სკვერს, პროექტის მიხედვით მიმდინარეობს: არსებული შადრევნის რეკონსტრუქცია; ახალი შადრევნის მოწყობა ფერადი განათებით.
3. არსებული ბეტონის ესტრადის დაშლა; ესტრადის ადგილზე გაზონის მოწყობა; სკვერში არსებულის ნაცვლად, ბეტონის დეკორატიული ფილების მოწყობა; ცენტრალურ შესასვლელში ბაზალტის ფილის დაგება; შადრევანთან ცენტრალურ შესასვლელში კიბეებისა და პანდუსის მოპირკეთება ბუნებრივი გრანიტის ფილებით; პარკის შიდა კედლებისა და თავის მოპირკეთება ბაზალტის ფილებით; დამონტაჟდება განათების თანამედროვე სისტემა.
(R)
