“თვითმფრინავი გატაცებული აღარ არის”

EGYPTAIR-ის თვითმფრინავი გატაცებული აღარ არის. აღნიშნულ ინფორმაციას THE GUARDIAN ავიაკომპანიის განცხადებაზე დაყრდნობით ავრცელებს.

როგორც ცნობილია, ცოტა ხნის წინ თვითმფრინავის ფანჯრიდან კაცი გადმოძვრა, რომელიც სამართალდამცავებმა დააპატიმრეს, თუმცა მისი ვინაობა ჯერ უცნობია.

EGYPTAIR-ის სამგზავრო თვითმფრინავი, რომელიც  ალექსანდრიიდან კაიროში მიფრინავდა, კვიპროსში ლარნაკას აეროპორტში გატაცების გამო დაეშვა.

გავრცელებული ინფორმაციით, ბორტზე  ეკიპაჟის წევრების გარდა 82 მგზავრი იმყოფებოდა, რომელთა უმეტესობა გამტაცებელმა გაათავისუფლა.

ერთ-ერთი ვერსიის თანახმად, თვითმფრინავი იბრაჰიმ სამაჰამ ყოფილი ცოლის ნახვის სურვილის გამო გაიტაცა, თუმცა მოგვიანებით ცნობილი გახდა, რომ გამტაცებლის ვინაობა დაუზუსტებელია და იბრაჰიმ სამაჰა სხვა მგზავრებთან ერთად გამტაცებელმა გაათავისუფლა.