სტამბოლში თურქი ჟურნალისტების, ვერ დიუნდარის და ერდემ გიულის დახურული სასამართლო პროცესი იწყება. აღნიშნულ ინფორმაციას THE GUARDIAN ავრცელებს.
როგორც ცნობილია, ჟურნალისტებს 2015 წლის მაისში გამოქვეყნებული სტატიის გამო ხანგრძლივი პატიმრობა მიუსაჯეს.
გავრცელებული ინფორმაციით, სახელმწიფო საიდუმლოებების ჯაშუშობის მიზნით გამოვლენასა და თურქეთის ხელისუფლების დამხობის მცდელობის მიზნით ჟურნალისტებს ბრალი ოფიციალურად წაუყენეს.
მედიის თავისუფლების საკითხებში უსაფრთხოებისა და თანამშრომლობის წარმომადგენელი ევროპაში, დუნია მიატოვიჩი დახურული სასამართლო პროცესის გამო შეშფოთებას გამოთქვამს.
"საზოგადოებისთვის მიუღებელია ჟურნალისტების პატიმრობა სტატიის გამოქვეყნებისთვის. გარდა ამისა, სახელმწიფო საიდუმლოებების დაცვა თანამდებობის პირების მოვალეობაა და არა ჟურნალისტების,“_განაცხადა მიატოვიჩმა.
მისივე თქმით, თურქეთის ხელისუფლებამ თავისუფალი მედიის მნიშვნელობა უნდა აღიაროს.
"იმედს ვიტოვებ, თურქეთის ხელისუფლება აღიარებს თუ როგორი მნიშვნელოვანია თავისუფალი მედიის არსებობა ქვეყანაში,"_აღნიშნა მიატოვიჩმა.
როგორც ცნობილია, 2016 წლის თებერვალში თურქეთის საკონსტიტუციო სასამართლომ ჟურნალისტები ციხიდან გაათავისუფლა, მაგრამ 25 მარტს, სტამბოლის სასამართლომ პროცესის წარმოება დახურულ კარს მიღმა დაიწყო.
პროკურორის განცხადებით, მტკიცებულება შეიცავს სახელმწიფო საიდუმლოებას.
მაუწყებლის ცნობით, ადამიანის უფლებათა დამცველები და 100-მდე უცხოელი მწერალი ხელს აწერს წერილს და ჟურნალისტებისთვის ბრალდების მოხსნას მოითხოვს.
