ტენესიში ტურისტული ვერტმფრენი ჩამოვარდა. აღნიშნულ ინფორმაციას TELEGRAPH ავრცელებს.
მაუწყებლის ინფორმაციით, შემთხვევის შედეგად ბორტზე მყოფი 5 მგზავრი დაიღუპა.
ფედერალური ადმინისტრაციის განცხადებით, ვერტმფრენი THE BELL 206 ადგილობრივი დროით 3 საათსა და 30 წუთზე ჩამოვარდა.
როგორც ცნობილია,ჩამოვარდნის შემდეგ ვერტმფრენს ცეცხლი გაუჩნდა.
თვითმხილველის თქმით, ალმოდებული ვერტმფრენიდან პილოტი გადმოხტა და ადგილობრივ მაცხოვრებლებს დახმარებას სთხოვდა.
მაუწყებლის ინფორმაციით, ვერტმფრენის ჩამოვარდნის მიზეზი ამ დროისთვის უცნობია.
