1. დღეში 8-9-ჯერ მიირთვით სხვადასხვა სახის უმი ხილი და ბოსტნეული. თუ ბოსტნეულის უმად ჭამა გაგიჭირდათ, ორთქლზე მოამზადეთ.
2. რაციონში ჩართეთ მეტი მარცვლეული, რადგან ეს პროდუქტი შეიცავს ორგანიზმის აუცილებელ მინერალებსა და მრავალ სასარგებლო ნივთიერებას.
3. სისტემატურად გაიზომეთ თანაფარდობა როგორც წელისა და თეძოების გარშემოწერილობას, სიმაღლესა და წონას შორის; აგრეთვე, აკონტროლეთ ორგანიზმში არსებული ცხიმების პროცენტული რაოდენობა. თუ მონაცემები ნორმას აჭარბებს, ესე იგი, დროა, დიეტა დაიწყოთ.
4. გამოთვალეთ პირადად თქვენთვის საჭირო კალორიების რაოდენობა. თუნდაც ოდნავ მომატებული წონა უკვე იმის სიგნალია, რომ შეამციროთ საკვების მიღება.
5. შეიძინეთ სამზარეულოს სასწორი და დანაყოფებიანი მენზურიანი ჭიქა; ინტერნეტიდან ამოიწერეთ პროდუქტების კალორიულობა და გაითვალისწინეთ ყოველი კვებისას.
6. გამოიყენეთ დაბალი გლიკემური ინდექსის მქონე ნახშირწყლები. ასე შეძლებთ, ნაკლები რაოდენობის საკვებით დანაყრდეთ, თანაც, მალე აღარ მოგშივდებათ.
7. რაციონის შესავსებად მიიღეთ ბიოლოგიურად აქტიური საკვები დანამატები, მაგრამ, ამის შესახებ აუცილებლად წინასწარ მიიღეთ რჩევები ექიმისგან.
8. აუცილებლად მიიღეთ ორგანიზმისთვის საჭირო მაკრო-და მიკრონუტრიენტები. მოერიდეთ ახალმოდურ დიეტებს, რომლებიც ეწინააღმდეგება თანამედროვე მედიცინის მიღწევებს.
9. ტკბილი გაზიანი სასმელების ნაცვლად სვით მწვანე ჩაი, ახალგამოწურული წვენები, კომპოტები, კისელი, ჩვეულებრივი სასმელი წყალი, გაზგასული მინერალური წყლები, უცხიმო რძემჟავა სასმელები.
10. კარგად გამოიძინეთ. კარგი განწყობისთვის და წონის გასაკონტროლებლად აუცილებელია დღე-ღამეში 7-8 საათი ძილი.
11. უარი თქვით ტრანს-ცხიმებზე. ეცადეთ, მიიღოთ მხოლოდ მცენარეული არარაფინირებული ცხიმები.
12. შეავსეთ თქვენი მენიუ ორგანული პროდუქტებით: ხორცით, რძის პროდუქციით, ბოსტნეულითა და მარცვლეულით.
13. დაკავდით სპორტით. ეს ხელს უწყობს კალორიების დაწვას და, ცხიმების დაგროვების ნაცვლად, ზრდის კუნთოვან მასას.
14. ნაკლებად მიირთვით საქონლისა და ღორის მუქი წითელი ფერის ხორცი.
15. მენიუდან ამოიღეთ ძეხვეული და პურ-ფუნთუშეული.
