ლანჩხუთის მუნიციპალიტეტის გამგებელი ზაზა ურუშაძე 2010 წელს გამოცემულ წიგნში _ „გურიაში გურულად“, ლექსებთან ერთად ისტორიებსაც გვთავაზობს. „გურია ნიუსი“ ექსკლუზიურად გთავაზობთ ერთ-ერთ ისტორიას, სახელწოდებით _ "სკოლაში".
"კაცო აი ბაღნები რეიზა იარება კლაში, ვერ ვხვდები, აფერს არ სწავლობენ მაინც და ტყუილად ღლეტენ ამ ტუფლებს ხრენგში ნასიარულები. წერა კითხვა არ იციენ, _ ყვება მიშა, _ ჩემი შვილი მე-7 კლაშია და აფერი არ იცის.
წუხელის შევეკითხე, მამა, რომელი წელია ახლა თუ იცი-მეთქი. კაი პასუხი გამცა: ყურძნის წვენი მაცივარში რო იყო დავლიე, აღარააო. ვითომ რა ვკითხე ვერ გეიგონა. გამრავლების ტაბულაზე ლაპარაკი ზედმეტია.
ბაღნებთან რა გინდა? _ მასწავლებლებმა არ იციან არა სფერი.
აგერ, ალიოშეს ბიჭი არითმეტიკის მასწავლებლად მუშაობს თურმე, ამის წინ ოზურგეთში მივდიოდი და დამემგზავრა, ბაზარში იყო წამოსული რაცხაების საყიდლად. სამი თავი საქონელი იყიდა და 8 ლარი გადააყოლა გამყიდველს, თავში იშენდა ხელს.
მერე ვინცხამ თქვა, თვლაში შიეშალა და 8 ლარი გადაყვაო. ამფერი არითმეტიკის მასწავლებელია მაი გაჭირვებული.
ახლა თლა უბედურობა გევიგონე: მასწავლებლები ყვარობენ ერთმანეთს კლაში თურმე. ასე თუა საქმე, მაგენს საღა ცალია ბაღნებს რამე რომ ასწავლონ? გუშინ შალიკოის ბიჭი მევიდა ჩემსას, მამამის გამიეგზავნა ხერხის სათხუებლათ.
შევაქე ოო… რა ბიჭი მოსწრებია შალიკოს,.
_ რომელ კლაშიხარ ბიძია შენ გეიხარე?_ არ ვიცი მითხრა.
კაღამ გადვირიე კაცი, ორმეტრიანი ბიჭია, კაცო, და რომელ კლაშია არ იცის.
_ შევეკითხე, ჩანთა გაქ? _ რაის ჩათვლაო, ჩვენთან ჩათლები არ არისო.
ჩანთა სულ არ ქონდა განაგონი.
მერე სხვანაირად ვკითხე _ საწიგნეზე გეკითხები ბიძია, თუ ვერც მასე ვერხვდები?
_ არა, არ ვიციო.
შევატყვე ეწყინა. მიშა ბიძია, მომეცი მაგი რაცხა ხერხია და გამიშვიო.
ვიფიქრე, ჩემ ბიჭზე აბდალი ყოფილა აი გაჭირვებული. ქი გამიკვირდა, ამის წინ, სატირელში, ჩემი ბიჭის მასწავლებელი შემხვდა და ისე მიქო, რა კაი, ჭკვიანი ბიჭი გყავსო.
ვაი, ვიფიქრე, მაი თუ ჭკვიანია, შტერი რაფერია, ნეტა ერთი მანახა და აგერ არ ვნახე შალიკოს ბიჭი? _ თლა აღაფერ თავში აღარ ყოფილა.
მე ვფიქრობდი, ჩემი ჩემი ბიჭი კლაში აღარ გამეშვა, მაგრამ ახლა გული გამიკეთა, მაგაზე აბდლებიც ყოფილა.
აა, ბიძია ამფერი მასწავლებლები და მოსწავლეებია ჩვენ სკოლაში. ამ სკოლის მასწავლებლებს და მოსწავლეებს ერთი კუპლეტი ლექსი მიუძღვენი:
სკოლაში მასწავლებლებმა
შეიყვარეს ერთქამეტი,
ბაღნებიზა ვერ იცლიენ
არ გუუშვა აბა მეტი?
ზაზა ურუშაძე, 2001 წელი
