"ჩემი სახელია სადიქ ხანი და მე ვარ ლონდონის მერი",- ამ სიტყვებით გახსნა მემარცხენე მუსლიმმა მერმა პირველი სიტყვა საზორკის საკათედრო ტაძარში და იქვე აღნიშნა, რომ მალევე დაიწყებოდა "შესანიშნავი წირვა".
"მე ვიქნები ყველა ლონდონელის მერი, თითოეული თემისა და ქალაქის თითოეული ნაწილის მერი … ჩემი მიზანია შევქმნა ყველზე გამჭვირვალე მთავრობა, რაც კი ლონდონს ოდესმე უნახავს…"– განაცხადა ხანმა არჩევნებში გამარჯვების შემდეგ.
"ჩვენ უნდა ავუხსნათ ხალხს იმ ქვეყნებში, სადაც ისლამური უმრავლესობაა, რომ მე ვარ დასავლეთი და ამიტომ, როცა ისინი იფიქრებენ, რომ დასავლეთი სძულთ, ისინი მე შემიძულებენ".-ასეთია ლონდონის ახალი მუსლიმი მერის პოზიცია.
"ბაბუა და ბებია ინდოეთიდან პაკისტანში ჩასული ემიგრანტები იყვნენ; ჩემი მშობლები კი ემიგრანტები პაკისტანიდან ლონდონში. ხანების სამ თაობაში, მე პირველი ვიქნები, რომელიც არსად არ გადავა. ეს ჩემი ქალაქია. ამ ქალაქმა მისცა ჩემს ოჯახს ჩვენი პოტენციალის სრულყოფის შანსი…
…მთელი ცხოვრება ამ ქალაქში გავატარე. როგორც მე ვხედავ, ჩვენ ყველანი მრავალი ნაწილისაგან შევდგებით. მე ვარ ლონდონელი, ბრიტანელი, ინგლისელი, ევროპელი, ისლამური მრწამსის, აზიური წარმოშობის. არ არსებობს ერთი რამ ცალკეულად, რაც განსაზღვრავს, თუ ვინ ვარ მე"
სადიქ ხანი ლონდონის ახალი მემარცხენე მუსლიმი მერია. მის წინააღმდეგ იბრძოდა მემარჯვენე მილიარდერი, ზაკ გოლდსმიტი – გოლდსმიტთა სახელგანთქმული ოჯახის წევრი და შესაბამისად, თვით როტშილდთა ახლობელი და ნათესავი. კამპანიისას, ხანს არაერთხელ დაესხნენ თავს უდიერად – მას რადიკალებთან კავშირიც კი დასწამეს, აბუჩად იგდებდნენ მის ეთნიკურ წარმომავლობას და რელიგიას.
მან 1 310 143 ხმა დააგროვა, მისმა კონკურენტმა ზაკ გოლდსმითმა კი 994 614 ხმა.
