„ჰოერლე-გუგენჰაიმ ქონთემფორარი“ და „სილქ როუდ ჯგუფი“ წარმოგიდგენთ: თანამედროვე ხელოვნების გამოფენა წინანდალში
10 მაისიდან, ალექსანდრე ჭავჭავაძის სახლ-მუზეუმში წარმოდგენილი იქნება თანამედროვე ხელოვნების ნამუშევრები ფილიპ ჰოერლე-გუგენჰაიმის კოლექციიდან.
2014 წელს ნიუ იორკში დაარსებული ფილიპ ჰოერლე-გუგენჰაიმის მოდერნისტული და თანამედროვე ხელოვნების გალერეა წარმოაჩენს თამამ, მუშაობის პროცესზე ორიენტირებულ, დამწყები და უკვე შემდგარი მხატვრების ნამუშევრებს.
ჰოერლე-გუგენჰაიმის მოწოდება საერთაშორისო პროგრამის განვითარებაა. მისი ამბიციური და მრავალფეროვანი გამოფენები ხაზს უსვამს ესთეტიკისა და კონცეპტუალურობის მნიშვნელობას.
წინანდალში წარმოდგენილი იქნება ისეთი მხატვრების და ფოტოგრაფების დახლოეობით 25 ნამუშევარი, როგორებიც არიან: მასიმო აგოსტინელი, ვილიამს კორმონა, ფრანს კლაინზეკი, კონორ მაქქრიდი, ნუნსიო პაცი, ჟან მიგელ პალაციო, აბდულა ქანდილი, ნელსონ საიერსი, მაიქლ ტურჩინი, დომინგო ზაპატა, მაქს ვიედემენი.
სხვადასხვა თანამედროვე ტექნოლოგიით შესრულებული მათი ნამუშევრები ამშვენებს ნიუ-იორკის, ლონდონის, რომის, ციურიხის, სტამბულის, ტოკიოს, ჰონგ-კონგის და სხვა ქალაქების პრესტიჟულ საგამოფენო დარბაზებს. მათი შემოქმედების მიმართ კრისტის და სოთბის აუქციონები ავლენენ ინტერესს.
აღნიშნული მხატვრების ნამუშევრების გამოფენა საქართველოში პირველად ეწყობა და მათი ნახვის უნიკალური საშუალება დამთვალიერებელს წინანდალში 5 ივნისამდე ექნება.
უახლოეს მომავალში იგეგმება ჰოერლე-გუგენჰაიმის თანამედროვე ხელოვნების გალერეის გახსნა თბილისში. ამ პროექტში ჰოერლე-გუგენჰაიმის პარტნიორი კომპანია სილქ როუდ ჯგუფია.
„სილქ როუდ ჯგუფი“ 2007 წლიდან ახორციელებს წინანდლის ისტორიული კომპლექსის მართვას და პატრონაჟს. მუზეუმის და ბაღის რეაბილიტაციისთვის კომპანიამ 12 მილიონი ლარის ინვესტიცია განახორციელა, მოხდა კომპლექსის რეკონსტრუქცია/რესტავრაცია, რამაც შენობას და მის მიმდებარე ტერიტორიას ისტორიული ღირებულება დაუბრუნა.
დღესდღეობით ალექსანდრე ჭავჭავაძის სახლ-მუზეუმი სხვადასხვა გამოფენების, კონცერტების, მასტერ-კლასების და სხვა კულტურული ღონისძიებების სასურველი სამასპინძლო სივრცეა.
(R)
