ვაკის პარკთან სასტუმრო „ბუდაპეშტი“ აღარ აშენდება. 22-მილიონიანი პროექტის შეჩერების გადაწყვეტილება თბილისის მერმა მიიღო.
სკანდალურად ცნობილ პროექტზე უარი დავით ნარმანიამ მაღალი საზოგადოებრივი ინტერესის გამო თქვა _ დედაქალაქის მერიაში „კომერსანტს“ სწორედ ეს დაუსახელეს მრავალმილიონიანი ინვესტიციის შეჩერების მიზეზად.
თავის დროზე ვაკის პარკის მიმდებარედ სარეკრეაციო ზონა 2-ში მდებარე მიწის ნაკვეთზე, რომელიც შპს „ტიფლის კოსტავას” ეკუთვნოდა, მერიამ ზონალური შეთანხმება, არქიტექტურის სამსახურმა კი მშენებლობის ნებართვა გასცა.
თუმცა, ბრძანება მშენებლობის ნებართვის შესახებ საქალაქო სასამართლოში გასაჩივრდა. მომჩივან მხარეს ზურაბ ბაქრაძე, თეიმურაზ კალანდაძე და ააიპ „მწვანე ალტერნატივა”წარმოადგენდნენ.
მერიის ინფორმაციით, თბილისის საქალაქო სასამართლოს ადმინისტრაციულ საქმეთაკოლეგიამ 2 მარტს ბათილად ცნო თბილისის მერის და არქიტექტურის სამსახურის ადმინისტრაციულ-სამართლებრივი აქტები. სასამართლოს გადაწვეტილებით, ადმინისტრაციულ ორგანოებს დაევალათ, ხელახალი მსჯელობის შემდეგ ახალი ადმინისტრაციულ-სამართლებრივი აქტების გამოცემა.
თბილისის მერიის ინფორმაციით, საქალაქო სასამართლოს მიერ მიღებული გადაწყვეტილება მშენებლობის ნებართვის გაბათილების შესახებ, თბილისის მერმა სააპელაციო სასამართლოში აღარ გაასაჩივრა, შედეგად „ბუდაპეშტის“ მშენებლობა ჩაიშალა.
ვაკის პარკთან სასტუმრო „ბუდაპეშტის” პროექტი, „ტიფლის ბიზნეს ჯგუფს” უნდაგანეხორციელებინა, თუმცა, კომპანიამ პროექტი 2016 წლის დასაწყისში, ამერიკელინვესტორებზე გაყიდა.
„ტიფლის ბიზნეს ჯგუფის” ხელმძღვანელს არც ინვესტორის და არც საშუამავლო კომპანიის სახელწოდება არ გაუვრცელებია. არ დასახელდა არც გარიგების მოცულობა.
„ფინანსურად ვეღარ გავუძელი პროექტის შენახვა-გაგრძელებას, ისინი კი დებენ ინვესტიციას და აშენებენ. სხვას ვერაფერს გეტყვით”-აცხადებდა მაშინ ზაქაიძე.
ახალი ინვესტორის ვინაობა არ სახელდება არც თბილისის მერიის მიერ, შედეგად, უცნობია გაასაჩივრებს თუ არა თბილისის მერის ამ გადაწყვეტილებას ინვესტორი და ზოგადად, რისთვის გამოიყენებს კუთვნილ ტერიტორიას.
“კომერსანტი” თემაზე მუშაობას აგრძელებს და შეეცდება, მოიპოვოს ინფორმაცია თბილისის მერიიდან, შეეცვლება თუ არა ტერიტორიას სტატუსი და შესაძლებელი იქნება თუ არა ადგილზე სხვა ბიზნესპროექტის განხორხციელება.
22-მილიონიანი სასტუმრო „ბუდაპეშტის” მშენებლობა ერთ წელზე მეტია შეჩერებულია. იანვარში პროექტის ყოფილი მფლობელი „ტიფლის ბიზნეს ჯგუფის” ხელმძღვანელი გიორგი ზაქაიძე “კომერსანტთან” აცხადებდა, რომ თბილისის მერიის მხრიდან ზეწოლა მიმდინარეობდა, რათა კომპანიას მიწის ნაკვეთი ვარკეთილსა და ვაზისუბანში არსებულ რომელიმე სხვა ნაკვეთზე გადაეცვალა.
„ჩვენ მზად ვართ, რომ მიწის ნაკვეთი დავუთმოთ 11 მილიონი დოლარის სანაცვლოდ. ამ 11მილიონში შედის – მიწის ნაკვეთის ღირებულება (3 მილიონი დოლარი), სავარაუდო მოგება(7 მილიონი დოლარი) და შეჩერებული სამუშაოების გამო გამოწვეული ზარალი (1 მილიონიდოლარი). ხოლო თუ მერია არც ამ წინადადებაზე დათანხმდება და მშენებლობისსაშუალებასაც არ მოგვცემს, კომპანია სამართლებრივად გააგრძელებს ბრძოლას, რაც, მერიას30 მილიონი დოლარი დაუჯდება,” – ასეთი იყო კომპანიის პოზიცია.
კომპანიაში ირწმუნებოდნენ, რომ ზედამხედველობის სამსახურის მიერ მითითებულიხარვეზი ოპერატიულად აღმოფხვრეს და მშენებლობის დაწყების შემაფერხებელი არავითარი მიზეზი არ არსებობდა, თუმცა მერია მათ სამუშაოების გაგრძელების საშუალებას არ აძლევდა.
მაშინ „ტიფლის ბიზნეს ჯგუფში” არ გამორიცხავდნენ, რომ აღნიშნული ტერიტორიისადმი გარკვეული ინტერესი არსებობდა და მერია სწორედ ამიტომ უშლიდა ხელს კომპანიას. ვაკის პარკთან დაგეგმილ მშენებლობას საზოგადოების ნაწილი აპროტესტებდა.
წყარო: კომერსანტი
