საქართველოს საკონსტიტუციო სასამართლოს თავმჯდომარის, გიორგი პაპუაშვილის საკუთრებაში სამი ბინაა. ამის შესახებ პაპუაშვილის ქონებრივ დეკლარაციაშია აღნიშნული, რომელიც მან 2016 წლის 3 ივნისს შეავსო.
კერძოდ, პაპუაშვილი ფლობს თბილისში, ი. ჭავჭავაძის გამზირზე 133. 00 კვ.მ-ის ფართობის ბინას და ბათუმში არსებულ ორ ბინას, რომელთა ფართობები 277.00 კვ.მ და 98.00 კვ.მ-ია.
აღსანიშნავია, რომ ბათუმში არსებული 98.00 კვ.მ-ის ფართობის ბინა პაპუაშვილის დეკლარაციაში წელს გაჩნდა. ამავე დეკლარაციის თანახმად, გიორგი პაპუაშვილმა ბინაში 57 000 ლარი გადაიხადა და 2015 წლის 25 მარტს შეიძინა.
რაც შეხება ბათუმში, გორგილაძის ქუჩაზე მდებარე პაპუაშვილის საკუთრებაში არსებულ 277.00 კვ.მ-ის ფართობის ბინას, წლებია სადაოდ არის გამხდარი. ორგანიზაცია "ახალგაზრდა ადვოკატები" აცხადებენ, რომ პაპუაშვილი უკანონოდ ქონებაჩამორთმეული როლანდ ბლადაძის ბინაში ცხოვრობს. სასამართლო პროცესები აღნიშულ საკითხთან დაკავშირებით დღემდე გრძელდება და საბოლოო გადაწყვეტილება ჯერჯერობით უცნობია.
რაც შეეხება პაპუაშვილის ფინანსურ მდგომარეობას, 2015 წლის განმავლობაში მან შემოსავლის სახით ჯამში 160 602 ლარი მიიღო. აქედან, საკონსტიტუციო სასამართლოს თავმჯდომარეობისთვის მას 131 802 ლარი აქვს აღებული, ხოლო ილიას სახელმწიფო უნივერსიტეტის პროფესორის პოსტიდან 28 800 ლარი.
რაც შეეხება მისი მეუღლის, თეა ხოფერიას შემოსავლებს, დეკლარაციის მიხედვით, ჟურნალი „სითის“ აღმასრულებელი დირექტორის პოსტისთვის მან 3625.00 ლარი, ხოლო „სოკარ ჯეორჯია გაზ აჭარას“ პრეს მდივანის თანამდებობისთვის 9988 ლარის შემოსავალი აქვს მიღებული.
დეკლარაციის შევსების მომენტში გიორგი პაპუაშვილს ,,თი–ბი–სი ბანკის“ სახელფასო ანგარიშზე 4700 ლარი, ხოლო თეა ხოფერიას ამავე ბანკის სახელფასო ანგარიშზე 150.00 ლარი ჰქონდა.
დეკლარაციის თანახმად, თეა ხოფერიას სახლზე 2013 წელს აღებული (სესხის ვადის ამოწურვის თარიღია 01/08/2017) 14000-ლარიანი სამომხმარებლო სესხია, რისი პროცენტის დასაფარადაც მას გასულ წელს 5760 ლარი გადაუხდია.
რაც შეეხება ოჯახის სხვა გასავლებს, დეკლარაციაში ასევე აღნიშნულია, რომ გიორგი პაპუაშვილმა ქონების გადასახადისთვის 2640 ლარი გასცა.
აქვე უნდა აღინიშნოს, რომ თეა ხოფერია 2010 წლიდან ორი შპს-ს პარტნიორია – შპს „აუდიტორიის“ და „თეას სუვენირების“. დეკლარაციის თანახმად, არცერთი შპს-დან მას შემოსავალი მიღებული არ აქვს.
რაც შეეხება პაპუაშვილის ოჯახის წინა წლების შემოსავლებს, დეკლარაციებიდან ირკვევა, რომ გიორგი პაპუაშვილის შემოსავალი წლებთან ერთად საგრძნობლად გაიზარდა. 2010 წლიდან 2016 წლამდე ოჯახის შემოსავალი 104 269 ლარიდან 160 602 ლარამდე ავიდა.
თუმცა, ყველაზე დიდი შემოსავალი ბოლო 10 წლის განმავლობაში პაპუაშვილის ოჯახმა 2014 წელს მიიღო – ჯამში 180 696 ლარი. აქედან, გიორგი პაპუაშვილის შემოსავალი 155 384 ლარი იყო, ხოლო 25 312 ლარი მისმა მეუღლემ, თეა ხოფერიამ გამოიმუშავა.
2013 წელს პაპუაშვილების ოჯახის შემოსავალი ჯამში – 141 893 ლარი იყო. 2012 წელს – 127 869 ლარი; 2011 წელს – 108 083 ლარი; 2010 წელს – 104 269 ლარი; 2009 წელს – 110 347 ლარი; 2008 წელს – 102310 ლარი; 2007 წელს – 68 300 ლარი; 2006 წელს – ჯამში 58723 ლარი. აქედან პაპუაშვილს საქართველოს საკონსტიტუციო სასამართლოს თავმჯდომარეობისთვის 25714 ლარი, ხოლო გარემოს დაცვისა და ბუნებრივი რესურსების მინისტრის პოსტიდან – 24 097 ლარი ჰქონდა მიღებული. მისმა მეუღლემ კი, ცესკოს პრესსამსახურის უფროსის თანამდებობიდან 8912 ლარი მიიღო.
ამავე თემაზე:
რა გარიგებას დებს გიორგი პაპუაშვილი სადაო ქონებასთან დაკავშირებით
„ამის შესახებ საკონსტიტუციო სასამართლოს თავმჯდომარემ არაფერი იცის“
გიორგი პაპუაშვილის ქონება დააყადაღეს
გიორგი პაპუაშვილს სააპელაციო სასამართლომ ქონებაზე ყადაღა მოუხსნა
„ახალგაზრდა ადვოკატები“ პარლამენტს გიორგი პაპუაშვილის იმპიჩმენტის საკითხის განხილვისთვის მიმართავს
პროკურატურაში, საკონსტიტუციო სასამართლოს თავმჯდომარის ქმედებაზე, გამოძიება მიმდინარეობს
"პროკურატურის ახალი დეპარტამენტი სამართლიანობის აღდგენას დააჩქარებს"
ვენეციის კომისია "ახალგაზრდა ადვოკატების" კვლევას ეხმაურება
„ამ ადამიანებმა უნდა უჩივლონ სახელმწიფოს და არა გიორგი პაპუაშვილს“
„ახალგაზრდა ადვოკატების“ მიმართვა პრეზიდენტ მარგველაშვილს
ევროპარლამენტი უკანონოდ ქონებაჩამორთმეულის სახლში, გიორგი პაპუაშვილის ცხოვრებას ეხმაურება
როდის ეწურება უფლებამოსილების ვადა საკონსტიტუციო სასამართლოს თავმჯდომარეს
