საქართველოს პარლამენტის ეროვნული ბიბლიოთეკის დირექტორმა გიორგი კეკელიძემ ცოტა ხნის წინ სოციალური ქსელის საშუალებით აქცია წამოიწყო, რაც გურიის ტურისტული პოტენციალის ამაღლებას და პოპულარიზაციას ემსახურება. ახალგაზრდა მწერალი მიიჩნევს, რომ უცხოელი და ქართველი პარტნიორების დახმარებით გურია, საქართველოს სხვა კუთხეებთან ერთად, მალე გახდება პოპულარული და მიმზიდველი ტურისტული ადგილი. ის ზაფხულის შუა რიცხვებიდან უცხოელი ტურისტების ჯგუფების შემოსვლასაც აანონსებდა.
გიორგი კეკელიძემ სოციალური ქსელის მრავალრიცხოვან მომხმარებელს მოუწოდა საკუთარი ვერსიები წარმოედგინათ ტურისტული მარშრუტებისა თუ აქამდე საზოგადოებისთვის უცნობი ადგილების შესახებ. მის ამ მოწოდებას მკითხველის ფართო გამოხმაურება მოჰყვა.
გიორგი კეკელიძე ამ თემას ახლახან გამოქვეყნებული კიდევ ერთი სტატუსით ეხმაურება.
"აბა, ვისაც გურია გიყვართ, მოჰფინეთ ეს ამბავი თქვენს სამეგობროს და შემოგვიერთდით!
p.s. ვიღაცას უთქვამს კეკელიძეს ტურისტული კომპანია აქვსო. რა პრობლემაა, მაგრამ ამ შემთხვევაში ერთი ასო შეეშალა – კამპანია მაქვს. მეგობრების ტუსიტულ ჯგუფს ვეხმარები, თან ისე, რომ საწყის ეტაპზე კაპეიკსაც არ ვიღებ. ჰოდა, ჩემი კიდევ აქ ის არის, რომ მარშრუტს#გურულიდღიურები ს გზა ჰქვია"._წერს ის "ფეისბუქის" საკუთარ გვერდზე.
