შეფასებისა და გამოცდების ცენტრის ხელმძღვანელის, მაია მიმინოშვილის ინფორმაციით, 19 000-მდე აბიტურიენტიდან, რომლებიც დღეს გამოცდებზე უნდა გამოცხადებულიყვნენ, საგამოცდო ცენტრებში 96,7% მივიდა.
ამის შესახებ მიმინოშვილმა ჟურნალისტებს განუცხადა.
"დარღვევები არ დაფიქსირებულა. ჯერ არ გამოვლენილა დაგვიანებების შემთხვევები მეორე ნაკადში. დიდი იმედი მაქვს, როცა დღევანდელი დღის საბოლოო შემაჯამებელი მონაცემები მექნება, დაგვიანებულების შესახებ ინფორმაცია კვლავ არ იქნება. ძალიან ბევრი მოვინდომეთ, რომ მაქსიმალურად უხარვეზოდ ჩატარებულიყო გამოცდების პროცესი. მაგრამ როცა მნიშვნელოვნად ხარ დამოკიდებული ტექნიკაზე, ელექტროენერგიაზე, შეიძლება ყველაფერი ისე არ გამოვიდეს, როგორც გინდა.
მე დღეს კმაყოფილი ვარ, რომ ყველა საგამოცდო ცენტრში პროცესმა ძირითადად უხარვეზოდ ჩაიარა.
ტექნიკურ უნივერსიტეტში ელექტროენერგია შეწყდა, მაგრამ ამას პროცესისთვის ხელი არ შეუშლია. კიდევ ერთი შემთხვევა იყო გორის საგამოცდო ცენტრში, როდესაც ორი სექტორი გაითიშა, რის გამოც, გამოცდები ცოტა მოგვიანებით, 15 წუთში, დაიწყო. მაგრამ აბიტურიენტებს აქაც არ შექმნიათ პრობლემები.
დღევანდელ დღეს, გამოცდებში სულ 19 ათასამდე აბიტურიენტი მონაწილეობს. პირველ ნაკადში 96,7% მიიღო მონაწილეობა. 5 % არ გამოცხადდა. რაც შეეხება მეორე ნაკადს, აქ არმოსულთა რაოდენობა პირველზე შედარებით ნაკლებია. საბოლოო შედეგები საღამოს, შეფასებისა და გამოცდების ცენტრის ვებ–გვერდზე გამოქვეყნდება", _ აღნიშნა მიმინოშვილმა.
ამავე თემაზე:
აბიტურიენტს სამედიცინო დახმარება დასჭირდა
მოხსნეს თუ არა აბიტურიენტები გამოცდიდან
გამოცდების მიმდინარეობისას ელექტროენერგია გაითიშა
საგამოცდო პროცესიდან პირველი აბიტურიენტები გამოვიდნენ
ჩემი სახით, კიდევ ერთი გულშემატკივარი გყავთ – განათლების მინისტრი აბიტურიენტებს მიმართავს
რამდენი აბიტურიენტი გამოეთიშა გამოცდებს
ერთიანი ეროვნული გამოცდების რეგისტრაციის პროცესმა მშვიდ ვითარებაში ჩაიარა – მიმინოშვილი
"თქვენ აუცილებლად მიაღწევთ დასახულ მიზანს" – პრემიერი აბიტურიენტებს მიმართავს
