2019 წლის ივნისში მთელი საზოგადოება შეძრა ტელეწამყვან ლულუ კახიანისა და მუსიკოს გიორგი გვარჯალაძის ქალიშვილის თვითმკვლელობამ. ლენოს გარდაცვალებიდან 4 წელი გავიდა და მისი მშობლები სოციალურ ქსელში წერენ ამ ტკივილზე:
“მაპატიე, ლენო, რომ აღარ ვტირი ამდენს, რომ აღარ ვფიქრობ ამდენს, რომ არ მოვდივარ ხშირად შენთან; მაპატიე, რომ ვერ ვიხსენებ როგორ დამესიზმრე, მაპატიე, რომ გელოდები, რომ ვეძებ პასუხებს. მაპატიე, რომ ხანდახან ისევ გადანაშაულებ, რომ ბოლომდე ვერ გპატიობ, რომ ვთვლი, რომ მიღალატე და გამწირე უსასრულო ტკივილისთვის. მაპატიე, რომ ვარ ეგოისტი, არც ისე კარგი დედა. მაპატიე, რომ ვერ დაგიდექი სათანადოდ გვერდში, არ დაგიცავი, არ შევეწინააღმდეგე ყველას და ყველაფერს. მაპატიე ყველაფრისთვის რისი თქმაც და გაკეთებაც ვერ მოვასწარი. მაპატიე, რომ ვერ შეგინარჩუნე, რომ გაგიშვი, რომ ვერ ჩაგკიდე მაგრად ხელი, რომ არ გადაგეფარე, რომ არ გამოგტაცე სიკვდილს ხელიდან, რომ დავიძინე, რომ ხელი შეგიწყვე, რომ მიგატოვე…
I love you Lenø
Your mother… 4 წელი უშენოდ…” – წერს ლულუ კახიანი.
გიორგი გვარჯალაძე კი ფოტოებს აქვეყნებს შემდეგი ტექსტით: “4 წლის წინ ამ დროს გადახტა Lenø… მეც მოვკვდი, თუმცა გარეგნულად ცოცხალივით ვარ…”
