ბიძინა გოგუაძე, ოზურგეთი:
_ ჩვენ მაგრები ვართ _ ბევრი ჯარი გვყავს! არ გააკეთა კარგი მაგით. ეს ცუდია, რეზერვი უნდა გვყავდეს, მტერი მომდგარი გვყავს კარზე!
სიკო მეხუზლა, ოზურგეთი:
_ ცუდი გადაწყვეტილებაა _ ყველა ახალგაზრდამ უნდა იცოდეს იარაღის მოხმარება _ სამშობლოს გვერდში უნდა დაუდგეს. აბა, მარტო ფულის გულისთვის უნდა იყვნენ ჯარში? ფულის გამო კაცი როგორ დაგიცავს? ყველა პატრიოტი უნდა იყოს!
მზია ჟორჟიკაშვილი, ოზურგეთი:
_ ყველა ახალგაზრდამ უნდა გამოსცადოს ჯარი.
დავით ღლონტი:
_ ვერ გეტყვით. არც კარგია და არც _ ცუდი. უფრო გეტყვით, რომ არ უნდა წავიდნენ ჯარში ახალგაზრდები.
მინდია კეჭაყმაძე, ოზურგეთი:
_ მე, პირადად, მომწონს ეს აზრი, თუმცა, არ მგონია, რომ ეს ხიდაშელმა იმისთვის თქვა, რომ ხალხი ადარდებს _ უბრალოდ, არჩევნებია და ხალხის გულის მოგებას ცდილობს.
იზა გაბედავა, ლანჩხუთი:
_ არ ვიცი. ეს საკითხი კომპეტენტური ხალხის გადასაწყვეტია.
ზაზა ქავზინაძე, ლანჩხუთი:
_ ვეთანხმები. ვფიქრობ, ჯარში პროფესიონალები უნდა მსახურობდნენ.
მაია კუკულაძე. ლანჩხუთი:
_ ჩემი აზრით, იმ ფონზე, როცა ქვეყნის ნაწილი ოკუპირებულია, უნდა იყოს წვევამდელთა გაწვევა.
გოგი გეგიაძე, ლანჩხუთი:
_ ვფიქრობ, ამ საკითხის მინისტრის მხრიდან ერთპიროვნულად გადაწყვეტა არ შეიძლება, ამისთვის არსებობს უშიშროების საბჭო და პრეზიდენტი.
ვლადიმერ ლომთათიძე, ჩოხატაური:
_ არა!
თამარ ლომთათიძე, ჩოხატაური:
_ უნდა გაიწვიოს.
გოგი ცინცაძე, ჩოხატაური:
_ მე, მაგალითად, მივესალმები მაგ გადაწყვეტილებას. ხელშეკრულებით თუ იქნება გაწვევა, მაშინ ქართველი ჯარისკაცი იქნება კმაყოფილი თავისი ფიზიკური მომზადების დონით. თუ უნდა წვევამდელს, გახდეს ჯარისკაცი, ესე იგი, იმსახურებს ხელშეკრულების საფუძველზე, მაგრამ ჯარის გარეშე წარმოუდგენელია ქვეყანა. მე ვამბობ, რომ აუცილებელია იყოს ჯარი, მაგრამ კონტრაქტის საფუძველზე.
ნუგზარ ჯიბლაძე, ჩოხატაური:
_ იაპონიას არ ჰყავს შეიარაღებული ძალები, ჰყავს კარგად გაწვრთნილი საპოლიციო აპარატი, რომელსაც, საჭიროების შემთხვევაში, შეუძლია, ქვეყნის დაცვა. თუ ასეთი რამის შექმნას საქართველოშიც აპირებენ, მივესალმები. მაშინ კონსტიტუციაში უნდა შევიდეს ცვლილება, რომ სავალდებულო სამსახური გაუქმებულია, მაგრამ ეს სავალდებულო ჯარი კანონშია და ძალაში რჩება. ერთი ადამიანის გადაწყვეტილება ვერ შეიტანს ცვლილებას, რომ გაწვევა აიკრძალოს.
