"ირაკლი ალასანია – თავისუფალმა დემოკრატებმა" თბილისის მაჟორიტარობის კანდიდატები წარადგინეს.
კანდიდატები საზოგადოებას პარტიის ლიდერმა ირაკლი ალასანიამ წარუდგინა.
#1მთაწმინდის მაჟორიტარული ოლქი- კოკა ფრუიძე; #2 ვაკის მაჟორიტარული ოლქი-ვიქტორ დოლიძე; # 3 ვაკის მაჟორიტარული ოლქი-გიორგი ნუცუბიძე; # 4 საბურთალოს მაჟორიტარული ოლქი- ალექსი პეტრიაშვილი; # 5 საბურთალოს მაჟორიტარული ოლქი-დავით ონოფრიშვილი; # 6 საბურთალოს მაჟორიტარული ოლქი-შალვა შავგულიძე; # 7 კრწანისის მაჟორიტარული ოლქი-დიმიტრი კორთხონჯია; # 8 ისნის მაჟორიტარული ოლქი- თენგიზ ხეჩიკაშვილი; #10 ისნის მაჟორიტარული ოლქი-გიორგი გოგილაშვილი; #11 სამგორის მაჟორიტარული ოლქი-ნონა თოდუა; #12 სამგორის მაჟორიტარული ოლქი-ბესო ბერიძე; #14 ჩუღურეთის მაჟორიტარული ოლქი-დავით ამაშუკელი; #15 დიდუბის მაჟორიტარული ოლქი-ზურაბ აბაშიძე; #16 დიდუბის მაჟორიტარული ოლქი-ლევან სამუშია; #17 ნაძალადევის მაჟორიტარული ოლქი-ლევან მელიქია; #18 ნაძალადევის მაჟორიტარული ოლქი-ზეზვა ნაცვლიშვილი; #19 ნაძალადევის მაჟორიტარული ოლქი-რამაზ გრიგალაშვილი; #21 გლდანის მაჟორიტარული ოლქი-ამირან გიგუაშვილი; #22 გლდანის მაჟორიტარული ოლქი-ვახტანგ მაჭავარიანი.
ამასთანავე გაიმართა პარტიის საარჩევნო გზავნილის და ახალი ლოგოტიპის პრეზენტაცია.
"ირაკლი ალასანია – თავისუფალი დემოკრატების" მთავარი გზავნილია: "უკეთესი ეკონომიკა, უკეთესი ცხოვრება!"
"თბილისი არის ის ქალაქი, სადაც ჩვენ ვაპირებთ გამარჯვებას. პარტიას დედაქალაქის ამომრჩეველში დიდი მხარდაჭერა აქვს. ყველა კანდიდატი არის პროფესიონალი და გამოცდილი. ისინი არ შეაქცევენ ზურგს საზოგადოებას, არ გათიშავენ ტელეფონს პარლამენტში არჩევის შემდეგ. ჩვენ დღეს წარმოვადგინეთ განახლებული ლოგოც, რომელიც არის ძლიერების სიმბოლო. პარტია ორიენტირებულია, რომ ეკონომიკა და ცხოვრება გახდეს უკეთესი. მთელი ჩვენი რესურსი მიმართულია არა შიდა პარტიულ დაპირისპირებაზე, არამედ ხალხსა და მოსახლეობის აზრზე. ჩვენ ხალხს შევთავაზეთ და რეალურად გახდება პენსია 300 ლარი, საარსებო მინიმუმი – 250 ლარი, ხოლო ხელფასი იქნება მინიმუმ 500 ლარი. ეს არის, რაც ხალხს აინტერესებს", _ განაცხადა ირაკლი ალასანიამ კანდიდატების წარდგენისას.
