ამერიკის შეერთებული შტატების სახელმწიფო მდივანმა ჯონ კერიმ საქართველო დატოვა. ჯონ კერი თბილისის საერთაშორისო აეროპორტიდან საგარეო საქმეთა მინისტრმა მიხეილ ჯანელიძემ, მისმა მოადგილე, დავით ზალკალიანმა და საქართველოში ამერიკის შეერთებული შტატების ელჩმა, იან კელიმ გააცილეს.
აშს-ს სახელმიწიფო მდივანი თბილისიდან კიევში გაემგზავრა.
კერი საქართველოს გუშინ დილით ეწვია. მან გუშინვე შეხვედრები გამართა საქართველოს პრეზიდენტთან, პრემიერ-მინისტრთან, საგარეო საქმეთა მინისტრთან.
ასევე გაიმართა აშშ-საქართველოს სტრატეგიული ქარტიის სხდომა, დღეს კი, აშშ-ს სახელმწიფო მდივანი შეხვდა საქართველოს პარლამენტის თავმჯდომარე დავით უსუფაშვილს და ორი ოპოზიციური პარტიის – "ნაციონალური მოძრაობის" და "თავისუფალი დემოკრატების" ლიდერებს.
