ორსართულიანი მატარებლები მგზავრებს მომავალი კვირიდან მოემსახურება.
საქართველოს მთავრობის ადმინისტრაციის ინფორმაციით, დღეს "ბათუმი ცენტრალში" ორსართულიანი, ელექტრომატარებლების პრეზენტაცია გაიმართება, რომელსაც საქართველოს პრემიერ-მინისტრი გიორგი კვირიკაშვილი და სხვა ოფიციალური პირები დაესწრებიან.
ორსართულიანი, ევროპული სტანდარტის Stadler Kiss ოთხი ახალი მოდელის ელექტრომატარებელი "საქართველოს რკინიგზამ" კომპანია Stadler Bussnang AG-სგან შეიძინა.
"მატარებლები ევროპის ყველაზე მაღალ სტანდარტებს აკმაყოფილებს და მათი ტექნიკური მონაცემებით შეესაბამება საქართველოს რკინიგზის მოთხოვნებს. მატარებლები სრულად მორგებულია შეზღუდული შესაძლებლობების მქონე პირების საჭიროებებზე, ელექტრომატარებლები თბილისიდან შავი ზღვის სანაპიროსაკენ მიმავალ მგზავრებს მომავალი კვირიდან მოემსახურება",_ აცხადებენ მთავრობის ადმინისტრაციაში.
