_ განაცხადა “გურია ნიუსთან” საუბრისას “ქართული ოცნება _ დემოკრატიული” საქართველოს ლიდერმა, მანანა კობახიძემ.
შეგახსენებთ, რომ ოზურგეთის მუნიციპალიტეტის საკრებულოში დილიდან მიმდინარეობს მსჯელობა “ქართული ოცნების” მიერ დაგეგმილი აქციისთვის ფართის გამოყოფასთან დაკავშირებით. ვრცელდება ინფორმაცია, რომ ოზურგეთის მუნიციპალიტეტის საკრებულომ, შესაძლოა, “ქართულ ოცნებას” 17 ივნისს აქციის ჩატარების ნებართვა თეატრალურ მოედანზეც არ მისცეს და ადგილი რკინიგზის სადგურის მიმდებარე ტერიტორიაზე გამოუყონ.
ჩვენ ვესაუბრეთ კოალიცია “ქართული ოცნების” ოზურგეთის შტაბის უფროსს, კოტე შარაშენიძეს, რომელმაც გვითხრა, რომ დღეს გამგეობასთან შედგა სიტყვიერი შეთანხმება აქციის თეატრალურ მოედანზე გამართვის შესახებ, რაც შეეხება რკინიგზის სადგურის მიმდებარე ტერიტორიას, ამასთან დაკავშირებით მას ინფორმაცია არ ჰქონდა.
მოგვიანებით ის დაუკავშირდა ოზურგეთის მუნიციპალიტეტის საკრებულოს აპარატის უფროსს, რომელმაც განუცხადა, რომ ოფიციალურ პასუხს წერილობით გასცემდნენ.
“გურია ნიუსს” საკრებულოს ადმინისტრაციის უფროსმა, პაატა ბურჭულაძემ განუცხადა: “ქართული ოცნების” წერილი ფართის გამოყოფის შესახებ დღეს დილით შემოვიდა ჩვენთან და სიტყვიერი შეთანხმება მხოლოდ იმასთან დაკავშირებით მოხდა, რომ შესაძლოა, ფართი თეატრალურ მოედანზე გამოეყოთ. თუმცა, ჩვენ მათთვის ოფიციალური პასუხი ჯერ კიდევ არ გაგვიცია. კონკრეტულად არაფერია გადაწყვეტილი და პასუხი დაახლოებით ერთ საათში იქნება.”
