ორი დღეა, ჩოხატაურში, მამომობილით (მამოგრაფია) იმყოფება სახელმწიფო სკრინინგ-ცენტრის ექიმთა ჯგუფი. პროგრამა მოიცავს, აგრეთვე, ექოსკოპიურ და გინეკოლოგიურ გამოკვლევებს. გამოკვლევები უტარდებათ მამაკაცებს PSA ტესტით, პროსტატიტების დიაგნოსტირებისთვის. გამოკვლევა უფასოა და დღეს, 16 საათამდე ნებისმიერ მსურველს შეუძლია გაიაროს.
„მიუხედავად იმისა, რომ სკრინინგის პროგრამით დიაგნოსტირება უფასოა, ჩვენ, ქალბატონები, ხშირ შემთხვევაში, ოჯახური თუ სოციალური პრობლემების გამო, ვერ ვახერხებთ დედაქალაქში წასვლას. ამიტომ „ეროვნული სკრინინგ-ცენტრის“ ვიზიტი ჩოხატაურში, მართლაც რომ სასიამოვნო სიურპრიზი იყო ჩვენთვის, _ ამბობენ ექიმთან ვიზიტზე ჩაწერილი ქალბატონები და მადლობას უხდიან ყველას, ვისაც წვლილი მიუძღვის სკრინინგის ორდღიან აქციაში:
„საკრებულოს თავმჯდომარის, ზაალ მამალაძისა და საფინანსო-საბიუჯეტო კომისიის თავმჯდომარის, მაია პაიჭაძის უშუალო ჩართულობით, სკრინინგის პროგრამა კარგა ხნის წინ უნდა გახორციელებულიყო ჩოხატაურში _ უკვე რამდენიმე თვეა, ველოდებით, მაგრამ, როგორც გავიგეთ, "მოძრავი მამოგრაფია“ ამ ხნის განმავლობაში საქართველოს სხვადასხვა რეგიონში ატარებდა გამოკვლევებს, დღეს კი, ჩვენთანაა. მადლობას ვუხდით ბატონ ზაალ მამალაძეს, ქალბატონ მაია პაიჭაძეს, ექიმთა ჯგუფს და ყველა იმ ადამიანს, რომლებმაც შესაძლებლობა მოგვცეს, გაგვეკეთებინა სასიცოცხლოდ მნიშვნელოვანი გამოკვლევები და მიგვეღო უფასო კონსულტაციები“, _ ამბობენ "გურია ნიუსთან“ საუბრისას ქალბატონები.
