კეჭაყმაძემ, რომელთანაც აღნიშნული ინფორმაციის გადამოწმება ვცადეთ, სიტუაციის ახსნის ნაცვლად, “კრიმინალური ჟურნალისტები” გვიწოდა.
_ ქალბატონო მანანა, როგორც ჩვენმა წყარომ გვითხრა, გუშინ, როცა პრეზიდენტს ხვდებოდით, თქვენს საბავშვო ბაღში კარადა ჩამოვარდა და ბავშვს თავზე დაეცა.
_ რა ჩამოვარდა? რა კარადა ჩამოვარდა?
_ თქვენს აღსაზრდელს გუშინ კარადა არ დაეცა?
_ სად?
_ საბავშვო ბაღში.
_ ააა. თქვენ ინფორმაცია ცუდად მიგიღიათ.
_ იქნებ, გვითხრათ, რა მოხდა?
_ საბავშვო ბაღში კარადა არ ჩამოვარდნილა. მოხდა ასეთი რამე _ ბავშვი რომ მიჰყავდა მშობელს, ქუდის ჩამოსაღებად მივიდა ბავშვი, აცოცდა კარადაზე. ეს იყო, მეტი არაფერი.
_ კარადიდან გადმოვარდა?
_ კარადის უჯრა, ცარიელი, რომელიც იყო და რომელზეც ხელი ჰქონდა მოკიდებული, ის გადმოვარდა. ბავშვი სახლშია და კარგადაა.
_ უჯრა დაეცა?
_ თქვენ სამაგიეროს მიხდით ახლა თუ რა ხდება?
_ სამაგიერო რატომ უნდა გადაგიხადოთ? ახლა პირველად გესაუბრებით…
_ აბა რა არის ახლა ესა. კრიმინალური ჟურნალისტები ხართ თუ, რა ხართ,
_ კრიმინალური ჟურნალისტი რა შუაშია, შეურაცხყოფას რატომ გვაყენებთ?
_ აბა, რატომ მირეკავთ, დაგირეკავთ ვინმემ?
_ ჩვენ გვაქვს ინფორმაცია და ვამოწმებთ თქვენთან. ვინ დაგვირეკა და ვინ გვაწვდის ინფორმაციას, ეს ჩვენი საქმეა.
_ კი, მაგრამ ახლა, როცა ასეთ რამეს ამბობთ, სწორად უნდა თქვათ.
_ იმიტომაც დავრეკეთ თქვენთან, ქალბატონო მანანა….
_ თქვენ ისეთი ტონით დაიწყეთ საუბარი, მე ვიფიქრე, რაღაც იყო.
_ რა ტონით? გკითხეთ სწორი იყო თუ არა ის ინფორმაცია, რომელიც მივიღეთ.
_ ჰო, მაგრამ იყო სრულიად განსხვავებულად. იქ უჯრა გადმოვარდა და არაფერი ისეთი არ მომხდარა. ეს მოხდა მშობელთან ერთად და არა ჩვენთან.
_ საავადმყოფოში ხომ ჰყავდათ ბავშვი მიყვანილი?
_ კი. ბავშვი უნდა გაესინჯათ. ყველაფრის გამოკვლევა ჩაუტარდა.
_ თუ ჩვეულებრივი უჯრა მოხვდა თავში, რატომ გახდა მისი საავადმყოფოში გადაყვანა საჭირო?
_ გაეკაწრა ლოყა, _ გვითხრა კეჭაყმაძე.
ჩვენს თხოვნაზე, მოეცა მშობლის ტელეფონის ნომერი, აღნიშნა, რომ არ აქვს და მოგვიანებით, როცა მშობელი მეორე ბავშვს მოაკითხავს, დაგვაკავშირებდა. თუმცა, რამდენიმე წუთში დაგვირეკა და ტელეფონის ნომერი მოგვაწოდა.
როგორც ბავშვის მშობელმა გვითხრა, 4 წლის პატარა წუხელ ბათუმის საავადმყოფოში ჰყავდათ:
_ ახლა მოგვყავს საავადმყოფოდან და მისი მდგომარეობა ნორმალურია.
მშობლის თქმით, ბავშვს არა უჯრა, არამედ კარადა დაეცა. იგი ადასტურებს, რომ ამ ფაქტს თავად შეესწრო და არ აქვს კითხვაზე პასუხი, როგორ არის კარადა დამაგრებული, როცა 4 წლის ბავშვს შეუძლია ხელის მოკიდებისთანავე წააქციოს:
_ არ ვიცი, დიდი ხანია ბავშვები ამ ბაღში დამყავს და მსგავსი არაფერი მომხდარა. მე რომ არ მენახა საკუთარი თვალით რაც მოხდა, შეიძლებოდა, სხვანაირად მეფიქრა.
_ საავადმყოფოში მისი დატოვება რატომ გახდა საჭირო?
_ თავი იყო მაინც და შემეშინდა, ყველანაირი გამოკვლევა ჩავუტარეთ და ახლა კარგადაა.
_ ბაღის გამგემ კი გვითხრა, რომ მხოლოდ ლოყა აქვს გაკაწრული.
_ კი. ლოყა აქვს გაკაწრული.
