საქართველოს ფეხბურთის ფედერაციის ინიციატივით, ეროვნულ ჩემპიონატში მონაწილე უმაღლესი და პირველი ლიგის საფეხბურთო გუნდებს, თამაშის წესებში შეტანილი ცვლილებების შესახებ ინსტრუქტაჟები უტარდებათ.
მარტვილის "მერანის" ცენტრალური სტადიონის საკონფერენციო დარბაზში, შეხვედრა "მერანის" ფეხბურთელებთან, სამწვრთნელო შტაბთან და კლუბის მედ-პერსონალთან, სფფ-ს სამსაჯო კომიტეტის წარმომადგენლობამ გამართა.
თამაშის წესებში შეტანილი ცვლილებების შესახებ ვრცლად, სფფ-ს სამსაჯო კომიტეტის წევრმა, გიორგი კიკაჩეიშვილმა ისაუბრა. ცვლილებათა პაკეტი ბევრ საკითხს ეხება და ბევრიც განახლებადია (ცვლილებები ეხება, თერთმეტრიანის შესრულებას, თამაშგარე მდგომარეობას, უკანასკნელი იმედის ჯარიმის დროს შეტანილ ცვლილებას, საქნციებს, ყვითელ-წითელ ბარათების საკითხს, თამაშის დროს ფეხბურთელთა ქცევის წესებს და მოსალოდნელ სანქციებს, ოქმში შეყვანილი შემადგენლობის საკითხს და სხვა თემებს).
