“ძალოსნობისთვის წარმატებული ოლიმპიადის მიუხედავად, მე გადავდექი” _ კახი კახიაშვილი

ძალოსნობის ეროვნული ფედერაციის პრეზიდენტი კახი კახიაშვილი თანამდებობას ტოვებს. ინფორმაციას ამის შესახებ ფედერაცია ავრცელებს.

ძალოსნობის ეროვნული ფედერაციის პრეზიდენტის არჩევნები 2016 წლის 19 სექტემბერს გაიმართება.

„ძალოსნობისთვის წარმატებული ოლიმპიადის მიუხედავად, მე გადავდექი ძალოსნობის ეროვნული ფედერაციის პრეზიდენტის თანამდებობიდან და გაცნობებთ, რომ საპრეზიდენტო არჩევნები 2016 წლის 19 სექტემბერს გაიმართება. როგორც არ უნდა დასრულდეს შემდეგი არჩევნები, მე ყოველთვის ქართული ძალოსნობის გვერდში ვიქნები. სავარაუდოდ, მეც ვიყრი კენჭს და თუ ძალოსნობის საზოგადოება, ძალოსნობის ოჯახის წევრები მხარს დამიჭერენ, კიდევ უფრო მეტი მონდომებით, ენთუზიაზმით გავაგრძელებ მუშაობას. რა თქმა უნდა, შიდა შეჯიბრებები გვაქვს დასაგეგმი, ჩასატარებელია უამრავი შეკრება, საერთაშორისო არენაზე ჩვენი პრესტიჟის დაცვაა აუცილებელი. ეს ყველაფერი დასახვეწია“,_ ნათქვამია ინფორმაციაში, რომელიც ძალოსნობის ეროვნულმა ფედერაციამ გაავრცელა.