დღეს, ოზურგეთში რამდენჯერმე გაწვიმდა. თეატრალურ მოედანზე, სადაც “ქართული ოცნების” აქცია უნდა ჩატარდეს, ჯერ კიდევ დაუსრულებელი სკვერის მშენებლობა მიმდინარეობს, სადაც ამოთხრილი ორმოები და მიწის გორაკებია, რომელიც აქციამდე რამდენიმე დღით ადრე დაყარეს. “გურია ნიუსმა” ეს ფოტოები რამდენიმე წუთის წინ გადაიღო, ამჟამად ასე გამოიყურება ის ადგილი, საიდანაც ბიძინა ივანიშვილი გურულებთან შესახვედრად ემზადება.
