ინდოელი ჯოტი ამჯე გინესის რეკორდების წიგნში შეიყვანეს, როგორც ,,ყველაზე პატარა ქალი’’ მსოფლიოში. ეს ტიტული ჯოტიმ სრულწლოვანების მიღწევისთანავე მიიღო. მისი სიმაღლე 62,8 სმ-ს შეადგენს. აღნიშნული მაჩვენებლი 7 სანტიმეტრით ნაკლებია ამ კატეგორიის წინა რეკორდსმენის ამერიკელი ბრიჯეტ ჯორდანის სიმაღლესთან შედარებით.
,,ეს იყო ჩემი ოცნება, ვყოფილიყავი ყველაზე პატარა ქალი მსოფლიოში. 18 წლის ასაკში უკვე აღარ ვითვლები მოზარდად, ესე იგი შემიძლია მივიღო ეს ტიტული’’, – განაცხადა ჯოტიმ.
მსოფლიოში ყველაზე პატარა ქალბატონი პროფესიით მსახიობია. წელს მას ორ ბოლივუდურ ფილმში გადაიღებენ.
კაცობრიობის ისტორიაში ყველაზე დაბალ ქალბატონად მიჩნეულია ჰოლანდიელი პოლინ მასტრესი (1876-1895), რომლის სიმაღლეც მხოლოდ 61 სანტიმეტრი იყო.
