აგვისტოს ბოლო კვირას ტყიბულმა უკვე მერვედ გაუწია მასპინძლობა ბავშვთა საჭადრაკო ფესტივალს, სადაც საქართველოს სხვა უძლიერეს ნორჩ მოჭადრაკეებთან ერთად ლანჩხუთის სპორტული სკოლის ოთხი აღსაზრდელიც იღებდა მონაწილეობას.
საჭადრაკო ფესტივალზე "ტყიბული 2016" 16 წლიანთა გათამაშებაში გოგონებს შორის ჩემპიონის ტიტული ლანჩხუთელმა ლიკა იმნაძემ დაისაკუთრა. ხოლო დანარჩენი სამი-გივი ზოიძე, მარიამ და ლუკა ჩხაიძეები კი 10 წლიანთა გათამაშებაში იღებდნენ მონაწილეობას, სადაც გოგონები და ბიჭები ერთად იყვნენ გაერთიანებულები და საერთო ჯამში ამ ასაკობრივ ჯგუფში სულ 32 ბავშვი ღებდა მონაწილეობას.
მთელი ტურნირის განმავლობაში ჩვენებური მარიამი სამტრედიელ მარიამ გოთოშიასთან ერთად ლიდერად გვევლინებოდა. ჩემპიონის წოდების მოსაპოვებლად გადამწყვეტი შეხვედრა სწორედ მათ შორის შედგა, სადაც საბოლოოდ ლანჩხუთის სპორტული ცენტრის აღსაზრდელი ვიცე-ჩემპიონობას დასჯერდა.
ლანჩხუთელმა მოჭადრაკე გოგონებმა სამსახსოვრო საჩუქრებთან ერთად ტურნირის ორგანიზატორებისგან ფულადი პრიზიც მიიღეს. ასევე ფულადი ჯილდო გადაეცა მათ პედაგოგს, ადამ ხუხუნაიშვილს, რომელმაც მწვრთნელთა კონკურსი მოიპოვა გამარჯვება.
