პირველი ჯგუფის სისხლის მქონე ადამიანები
გამოირჩევიან ენერგიულობით, ხალისითა და გულღიობით. მტკიცე ნებისყოფის წყალობით სტრესულ სიტუაციებს ადვილად უმკლავდებიან. არიან მიზანდასახულები და აქვთ წარმატების მიღწევის დიდი შანსი. არიან ბუნებით ლიდერები, საკუთარ თავში და შესაძლებლობებში ბოლომდე დარწმუნებული, სულით მებრძოლები. ამავე დროს არიან ეჭვიანები, ზედმეტად ამაყები, ამბიციურები.
მეორე ჯგუფის სისხლის მქონე ადამიანები
არიან ძალიან კეთილსინდისიერები, მშვიდი და წყნარი ცხოვრების მოყვარული. უყვართ წესრიგი ყველგან და ყველაფერში. არიან შრომისმოყვარეები, ერთგული მეგობრები, მგრძნობიარეები და კომუნიკაბელურები. თუმცა ზედმეტად პირდაპირები, ჯიუტები და ხშირად უხეშებიც.
მესამე ჯგუფის სისხლის მქონე ადამიანები
ყოველთვის ისე იქცევიან როგორც თვითონ სურთ და უნდათ, არიან მაქსიმალისტები, ადვილად ეგუებიან ყველა სიტუაციას და აქვთ წარმოსახვის კარგი უნარი. თავიანთი ხასიათის წყალობით ხშირად ეხვევიან კონფლიქტებში მიუხედავად იმისა რომ საკმაოდ მშვიდები და გაწონასწორებულები არიან. იტყუებიან უაზროდ, თუმცა ეს მხოლოდ ბოროტ ტყუილებს არ გულისხმობს. არიან ყველაზე ვნებიანები და ამავე დროს ყველაზე დახვეწილებიც.
მეოთხე ჯგუფის სისხლის მქონე ადამიანები
ამ ჯგუფის სისხლი ყველაზე იშვიათია და მას ხშირად სამეფო ჯგუფის სისხლს უწოდებენ. მეცნიერების ვარაუდით იესო ქრისტესაც სწორედ მეოთხე ჯგუფის სისხლი ჰქონდა. ამ ჯგუფის სისხლის პატრონები საკმაოდ მგრძნობიარეები და ემოციურები არიან, უყვართ ხალხთან ურთიერთობა და ხალხის სიყვარულის ობიექტიც საკმაოდ ხშირად არიან. არიან ძალიან მხიარულები, სამართლიანები და ობიექტურები.
