რამდენიმე კვირის წინ მარტვილის საოლქო საარჩევნო უბანში მომხდარი ინციდენტის გამო, პროკურტურამ “ნაციონალური მოძრაობის” მარტვილი-აბაშის მაჟორიტარობის კანდიდატის, ზაალ გოროზიას მეუღლეს ოლგა ჩურკანოვას ბრალი წაუყენა.
ოლგა ჩურკანოვას წინააღმდეგ საქმე აღძრულია სსკ-ის 125-ე მუხლით, რაც ცემას გულისხმობს. ამასთან, ოლგა ჩურკანოვას მარტვილის N65 საოლქო საარჩევნო კომისიის მუდმივმოქმედი წევრის უფლებამოსილება შეუწყდა.
მარტვილის N65 საოლქო საარჩევნო კომისიის თავმჯდომარის, გრიგოლ ბართაიას ინფორმაციით, ჩურკანოვა სხდომაზე ნასვამ მდგომარეობაში მივიდა და შელაპარაკების ნიადაგზე კომისიის დროებითი წევრს “ქართული ოცნებიდან” ელგა ცანავას და კომისიის მდივანს, ნინო დანელიას სცემა.
ჩურკანოვა ამას მიზანმიმართულ პოლიტიკურ პროვოკაციად აფასებსზე. “მე ვარ ზაალ გოროზიას მეუღლე და სწორედ ამიტომ დაიგეგმა ეს ყველაფერი. ეს იყო მიზანმიმართული პროვოკაცია”, – აღნიშნავს ჩურკანოვა.
ჩურკანოვას ადვოკატი მისი დაცვის ქვეშ მყოფის უდანაშაულობაზე საუბრობს და ამბობს, რომ ექსპერტიზის დასკვნის მიხედვით სხეულზე დაზიანებები არა ნინო დანელიას, არამედ თავად ჩურკანოვას აღენიშნება.
