№22 მარნეულის საოლქო საარჩევნო კომისიიის თავმჯდომარის იაკობ ასანიძის ინფორმაციით, მარნეულში ვითარება სტაბილურია და საოლქო საარჩევნო კომისია ყველაფერს აკონტროლებს.
რაც შეეხება გავრცელებულ ინფორმაციას, რომ ადგილზე სპეცრაზმია გამოძახებული, ასანიძე ვერ ადასტურებს.
„ოლქიდან ვერ გამოვდივარ, არ გავსულვარ არსად, ამიტომ ვერაფერს დაგიდასტურებთ. საუბნო საარჩევნო კომისიის თავმჯდომარესთან საუბარი მაქვს ტელეფონით და ყველაფერი წესრიგშია. კომისია ადგილზეა და საარჩევნო ყუთიც მათ აქვთ. გარეთ სიტუაცია რა არის არ ვიცი, მე იქ არ ვყოფილვარ. ალბათ, ძალოვანი სტრუქტურები გარე პერიმეტრს გააკონტროლებენ. ჩემს დაქვემდებარებაში რაც არის, ვიცი რომ სიმშვიდეა. კომისიის წევრები ყუთთან ერთად არიან უბანზე. დათვლიან ყუთს როცა დამთავრდება კენჭისყრა. უბანი არ ჩაშლილა, აგრძელებს ჩვეულებრივი მუშაობას; ეს ინფორმაცია 2 წუთის წინ კომისიის მდივანმა მომაწოდა“, _ აცხადებს ასანიძე, თუმცა ვერ ამბობს, არის თუ არა ყუთის გატცების საშიშროება.
მარნეულში განვითარებულ მოვლენებთან დაკავშირებით, შინაგან საქმეთა სამინისტრო განცხადებას ავრცელებს. უწყება მოუწოდებს ყველა მოქალაქეს, თავი შეიკავოს აგრესიული ქმედებებისგან.
ადგილზე მობილიზებულმა სამართალდამცველებმა მათ ამის საშუალება არ მისცეს, რის შემდეგაც აღნიშნული პარტიების მხარდამჭერები განსაკუთრებით აგრესიულები გახდნენ და პოლიციელების მისამართით ქვების სროლა დაიწყეს.
საარჩევნო ყუთის გატაცება თავდამსხმელებმა ვერ შეძლეს.
შინაგან საქმეთა სამინისტრო მოუწოდებს ყველა მოქალაქეს, თავი შეიკავოს აგრესიული ქმედებებისგან. ყველა იმ აქტივისტის მიმართ, ვინც კანონსაწინააღმდეგო ქმედებას ჩაიდენს, გამოყენებული იქნება კანონით გათვალისწინებული ზომები," – ნათქვამია განცხადებაში.
მარნეულის 48-ე საარჩევნო უბანთან მომხდარ დაპირისპირებას ცესკო-შიც გამოეხმაურნენ. ცესკოში განმარტეს, რომ საარჩევნო ყუთის გატაცებას ცდილობდნენ, თუმცა ამის საშუალება მათ საარჩევნო კომისიის წარმომადგენლებმა არ მისცეს.
ცესკო-ში განმარტავენ, რომ მარნეულის 48-ე უბანზე სარჩევნო ყუთი არ არის გატაცებული.
ამავე თემაზე:
დააკავეს თუ არა მარნეულის ინცინდენტში მონაწილე პირები
"კომენტარს ვერ გავაკეთებ" – ისვრიან თუ არა ქვებს მარნეულის 48-ე უბანზე
