“გამგეობის თანამშრომლის გათავისუფლების პოლიტიკური მოტივი გამორიცხულია”

_ ჩვენთან შემოვიდა ახსნა-განმარტებითი ბარათი პრესცენტრის სამსახურის უფროსიდან, სადაც მითითებული იყო, რომ ნინო მშვიდობაძე ბოლო პერიოდის მანძილზე სრულყოფილად არ ასრულებდა სამსახურეობრივ მოვალეობას. მე მოვითხოვე მისგან კონკრეტული დეტალები და მხოლოდ ამის შემდეგ მოვაწერე ხელი ბრძანებას.

_ მშვიდობაძეს მიაჩნია, რომ ის ყველა დავალებას კეთილსინდისიერად ეკიდებოდა.

_ ამის შესახებ პრესცენტრის ხელმძღვანელს ჰკითხეთ. რადგან ბრძანება დაიწერა პარასკევს, საღამოს, ნინომ არა-ფერი იცოდა ამის შესახებ. მე ამ დროს მივლინებაში ვიმყოფებოდი და დაბრუნებულმა გადავწყვიტე, ტელეფონით მეცნობებინა ეს მისთვის. მე, რა თქმა უნდა, მეწყინა თანამშრომლების სამსახურიდან წასვლა _ ეს ადამიანური მო-მენტია და ჩემი დამოკიდებულება გამოვხატე კიდეც სატელეფონო საუბარში. ნინოს გათავისუფლების მიზეზი ზუს-ტად არის ის, რაც ბრძანებაში წერია _ აქ პოლიტიკური ან პირადი მოტივი გამორიცხულია.

ჩვენ ასევე, კომენტარი ვთხოვეთ საკრებულოს წევრის, სოფელ ჯურუყვეთის დეპუტატის ამირან გიგინეიშვილს, რომელმაც, მშვიდობაძის თქმით, მოქალაქე გააძევა ენერგეტიკის მინისტრის მოადგილესთან შეხვედრიდან:

_ ენერგეტიკის მინისტრის მოადგილის შეხვედრა იყო ჩემს სოფელში. 150 კაცი იყო მოსული ამ შეხვედრაზე. ჩვენს სოფელში ცხოვრობს კაცი, რომელიც ძალიან ხშირად სვამს და ამ შეხვედრაზეც ნასვამი იყო მოსული. ის ყვირო-და და უმისამართოდ იგინებოდა. ამ შემთხვევაში საქმე მე არ მეხებოდა, მაგრამ იგი საზოგადოებას აყენებდა შეუ-რაცხყოფას და შევეცადე, ხალხმრავლობიდან გამერიდებინა. სულ ეს იყო. თუ ნინო მშვიდობაძე თვლის, რომ მე ვარ მისი განთავისუფლების მიზეზი, ეს მისი საქმეა, მაგრამ მის გარდა, იქ გამგეობის სხვა წევრებიც იმყოფებო-დნენ და ისინი დამიდასტურებენ, რომ მე რაიმე სახის აგრესია არ გამომივლენია, _ გვითხრა გიგინეიშვილმა.