წუხელ, თბილისში ღრმაღელის ქუჩაზე 50 წლამდე მამაკაცი მოკლეს. როგორც ადგილობრივები ჰყვებიან, დაახლოებით, ღამის 02:00 საათზე ხმაური გაიგეს. გარეთ გამოსულებმა მათი მეზობელი დაინახეს. თვითმხილველები აცხადებენ, რომ მამაკაცს ჭრილობები, სავარაუდოდ, დანით ჰქონდა მიყენებული და მათ სასწრაფო გამოიძახეს, თუმცა დაჭრილი მამაკაცის გადარჩენა ვერ მოხერხდა.
ვისთან მოუვიდა კონფლიქტი გარდაცვლილს, ჯერჯერობით, უცნობია.
მომხდარზე გამოძიება სისხლის სამართლის კოდექსის 108-ე, განზრახ მკვლელობის მუხლით მიმდინარეობს.
წყარო: რუსთავი 2
