,,თავისუფალი დემოკრატების“ ლიდერი თამარ კეკენიძე წინასაარჩევნო გარემოს აფასებს და ამბობს, რომ პარტიის წევრებსა და მხარდამჭერებზე ხორციელდებოდა დაშინება და იყო ზეწოლის ფაქტები, რაც ნეგატიურად აისახებოდა ამომრჩეველზე.
,, 2016 წლის არჩევნების წინასაარჩენო გარემო იყო გაჯერებული უსაფრთხოების სამსახურების მხრიდან რიგი ნეგატიური ფაქტორებით. იყო დაშინების მცდელობები, ზეწოლის ფაქტები, რომელიც ხორციელდებოდა ჩვენი პარტიის წევრებზე. ძალიან აქტიურად იყენებდა სუს-ი იმ დადგმულ კადრებს, სადაც ,,თავისუფალი დემოკრატების“ წევრებს და ხშირად არაწევრ ადამიანებს აყენებდნენ ბანერებთან და აცხადებდნენ, რომ მათ დატოვეს პარტია. რეალურად ამას ჰქონდა გავლენა ამომრჩევლზე, არჩევნების დღესაც, ვითომ მშვიდი გარემოს მოუხედავად, იყო შემთხვევები, როდესაც ჩვენს საკუთარ წამომდგენლებსაც კი ვერ ვპოულობდით საარჩევნო უბნებში ადგილებზე. მანამდე ჩვენს იდენტიფიცირებულ წამომადგენლებს ჰქონდათ შემოთავაზებები სწავლის გადასახადის დაფარვაზე, მომავალში სამსახურში დასაქმებაზე, ამ ყველაფერმა მიგვიყვანა ამ შედეგებამდე”, _ განაცხადა კეკენაძემ.
თამარ კეკენაძე სხვა პროდასავლურ პარტიებთან გაერთიანებას გამორიცხავს და მიიჩნევს, რომ უმჯობესია პარტიამ დამოუკიდებლად გააგრძელოს განვითარება და შეინარჩუნოს იდენტობა, თუმცა განმარტავს , რომ პარტია მზად არის ითანამშრომლოს სხვა პოლიტიკურ ძალებთან საერთო მოსაზრებების გათვალისწინებით.
,,თავისუფალი დემოკრატები“ თანამშრომლობას არ გამოვრიცხავთ, პირიქით მზად ვართ და ღია ვართ კონსულტაციებისთვის ყველა იმ საკითხზე, სადაც გვაქვს საერთო მოსაზრებები და გადაკვეთის წერტილები, თუმცა ჩვენ ვაპირებთ დამოუკიდებლად მოვსინჯოთ კიდევ ერთხელ ძალები თვითმმართველობის არჩევებზე. არ ვაპირებთ ვინმესთან გაერთიანებას. ეს იყო პირველი დამოუკიდებელი არჩევნები, სადაც პარტიამ დამოუკიდბლად, ყოველგვარი კოალიციის გარეშე მიიღო მონაწილეობა, ეს იყო სერიოზული გამოცდილება და ჩვენთვის, ,,თავისუფალი დემოკრატებისთვის“ მნიშვნელოვანია დამოუკიდებად გავაგრძელოთ განახლება, შევინარჩუნოთ ჩვენი იდენტობა და მოვახდინოთ იმ ადამიანების რაოდენობის ზრდა ვინც ჩვენ მხარი დაგვიჭირა. ეს არ არის ცოტა, ეს არის 80 000 – ზე მეტი საქართველოს მოქალაქე და დარწმუნებული ვარ უფრო მეტი მხარდამჭერი გვყავს, უბრალოდ ჩვენ ვერ მოვახერხეთ მათი დარწმუნება რომ მოსულიყვნენ არჩევნებზე“ – განაცხადა თამარ კეკენაძემ.
