ცენტრალურ იტალიაში ორი ძლიერი მიწისძვრა მოხდა. უცხოური მედიის ინფორმაციით, პირველი ბიძგების სიმძლავრემ 5.5 მაგნიტუდა შეადგინა, რომელსაც ორი საათის შემდეგ 6.1 მაგნიტუდის მიწისძვრა მოჰყვა.
შედეგად დაზიანდა შენობები და დაშავდა ათობით მოქალაქე. ბიძგები იგრძნობოდა ქალაქ რომშიც. ამ დროისთვის, მსხვერპლისესახებ ინფორმაცია არ ვრცელდება.
იტალიაში დამანგრეველი მიწისძვრა 2 თვის წინაც მოხდა. 24 აგვისტოს 6.2 ბალიანი სტიქიის შედეგად 298 ადამიანი დაიღუპა.
