23 სექტემბერს, დილის 5 საათზე, "გალფის" წყალწმინდაში მდებარე ბენზინასამართ სადგურში არსებული სუპერმარკეტი დააყაჩაღეს.
ყაჩაღებმა, რომლებიც შეიარაღებულნი იყვნენ და ნიღბების გარეშე მოქმედებდნენ, სუპერმარკეტის გამყიდველს 700 ლარამდე თანხა წაართვეს.
ოპერატიული ინფორმაციით, აღნიშნულ საქმეში ორი პირი ფიგურირებს და ორთავე 16 წლისაა.
ერთი თვის შემდეგ, 23 ოქტომბერს აღნიშნულ ყაჩაღობაში მხილებული პირები_ ორი არასრულწლოვანი, სუფსის განყოფილების პოლიციამ დააკავა.
ორივე პირი გ. ც. და შ. ს. ლანჩხუთელია და წყალწმინდაში ცხოვრობს. მათი ვინაობის დადგენა ბენზინგასამართი სადგურის ვიდეოთვალების ჩანაწერების საფუძველზე მოხდა.
დანაშაულში მხილებული პირების ადვოკატის მანუჩარ გოგრაჭაძის თქმით, აღნიშნულ საქმეზე მოკვლევა მიმდინარეობს და ორივე არასრულწლოვანი ხელწერილით არიან გამოშვებულები.
ადვოკატის თქმით, ჯერ მათ ბრალი არ აქვთ წაყენებული.
"გალფის" ბენზინგასამართი სადგურის დაყაჩაღების ფაქტზე სასამართლო პროცესი რამდენიმე დღეში გაიმართება.
