გარდა ამისა, ბევრი გამოთქვამს მოსაზრებას, რომ მერაბიშვილის გაპრემიერებით, სააკაშვილი მის ჩამოცილებას ცდილობს. ამის დასტურად, მავანი ირაკლი ოქრუაშვილის ეკონომიკის მინისტრად გადაყვანის პერიოდს იხსენებენ.
არიან ისეთებიც, რომლებიც ფიქრობენ, რომ მერაბიშვილს ივანიშვილთან ახლობლობის გამო სჯიან. ბევრი ირწმუნება, რომ მერაბიშვილი მალე ივანიშვილთან მოლაპარაკებებს გამართავს და არ გამორიცხავენ, რომ ორივენი ერთ ბანაკში იხილონ.
ფეისბუქში სტატუსებია მრავალფეროვანია. მაგალითად:
თეონა აქუბარდია: _ ივანიშვილის და მერაბიშვილის საარჩევნო სლოგანები ემთხვევა ერთმანეთს _ სოფლის განვითარება, დასაქმება და საყოველთაო დაზღვევა. რა საინტერესოა არა? აკი წარმატებული ჯანდაცვის რეფორმა გვქონდაო?
ია ანთაძე: _ ეჭვი მაქვს, ვანო მერაბიშვილი პრემიერად იმისთვის არ წარუდგენიათ, რომ სოფლის მეურნეობა ააღორძინოს. თუ იმისთვის ნიშნავენ, რისთვისაც მე მგონია, ესე იგი, შს მინისტრი გახდება პირი, რომელსაც პირადად ვანო მერაბიშვილი ბოლომდე ენდობა.
წესით, მიშა სააკაშვილი ვერ უნდა იყოს ხასიათზე. რამდენი წელი აჯანჯლებდა ამ მომენტს… ოქრუაშვილის გაძევების შემდეგ, პირველად გახდა იძულებული, შიდა სახელისუფლო ბალანსი დაერღვია.
შალვა რამიშვილი: _ ვანო პრემიერად ახლა წარადგინეს ნაცულიკებმა. ესეც შენი პოლიციური სახელმწიფო. აბა, სადაა აქ გილაურჩიკების დრო?! სამკვდრო-სასიცოცხლო ომია. თან პოლიციელების პადდერჟკის იმედიც არ ჰქონდათ მაინც და მაინც. ვნახოთ, აბა რა მოხდება.
დარეჯან მეფარიშვილი: _ ახლა ჩემო ვანო უფრო ჩემო ვანო იქნება?
ერთ დღეში კაცი რომ ერთი, ორი, სამი და ა.შ . წლების სამოქმედო გეგმას დაწერს და წარადგენს, ის კაცი დასაფასებელია… ნუ, რა თქმა უნდა, თუ გეგმა წინასწარ არ ქონდა დაწერილი ან თუ არ მოიპარა…
ალექსანდრე ლომოური: _ საქართველოს პრეზიდენტმა მიხეილ სააკაშვილმა მთავრობა გააძლიერა და ყველაზე წარმატებული უწყების, შინაგან საქმეთა სამინისტროს ხელმძღვანელი ვანო მერაბიშვილი პრემიერ-მინისტრად დანიშნა. როგორც ჩანს პრეზიდენტის დასაყრდენ ბოძად ვანო მერაბიშვილი ითვლება. ახალ პრემიერ-მინისტრს ყველაზე და ყველაფერზე ხელი ახლა იმაზე მეტად მიუწვდება, ვიდრე აქამდე… წინასაარჩევნო პერიოდში სამთავრობო ცვლილებები და გადაადგილებები, შესაძლებელია, კიდევ გახორციელდეს.
არჩილ მელიქიშვილი: _ ამას ქვია ნაცისტერია..
ეკატერინე ბესელია: _ “დასაქმება, ჯანდაცვა, სოფლის მეურნეობა”. თქვენი არ ვიცი და სიცილით გავიგუდე ლამის, ვინ ამბობს ამას? და ვინ ატარებს არჩევნებს?
ასეთია ფეისბუქელთა მოსაზრებები კვირის და შეიძლება ითქვას, თვის ყველაზე მნიშვნელოვანი მოვლენის შესახებ. სავარაუდოდ, მერაბიშვილის გაპრემიერება და ვაკანტური პოსტების სავარაუდო კანდიდატები ორი დღის განმავლობაში ფეისბუქში აქტუალობას კიდევ არ დაკარგავს.
