“გადამფრენი ფრინველებივით სადაც თბილი ქვეყანა ეგულებათ, იქით მიისწრაფვიან”

"ღალატი ღალატია. დათოს, ალასანიას და სხვებს, რომლებმაც გადამფრენი ფრინველებივით მოქცევა დაიწყეს, არაფერი გამოუვათ, _ ასე აფასებს სოციალურ ქსელში პოლიტოლოგი ლევან ლორთქიფანიძე წევრების მიერ პოლიტიკური პარტიების დატოვებას.

უსუფაშვილის მიერ "რესპუბლიკური პარტიის" დატოვების მიზეზი, ვაშალომიძის თქმით, უსუფაშვილის სურვილია, მარგინალური ელექტორატიდან ამომრჩეველთა უფრო ფართო წრეზე გადავიდეს".

„ყველაფერი ზედაპირზეა:
1) ბ-ნ უსუფაშვილს აქვს ილუზია, რომ ის შეიძლება მასობრივი მხარდაჭერის ლიდერი გახდეს. მისი მიზანი იქნება, რომ მის ირგვლივ გააერთიანოს ე.წ. "პროევროპული ძალები" და რეალური მესამე ცენტრი, ალტერნატივა შექმნას. მას აქვს სურვილი, რომ მარგინალური ელექტორატიდან ამომრჩეველთა უფრო ფართო წრეზე გადავიდეს.
2) "რესპუბლიკურმა პარტიამ" მიიღო გადაწყვეტილება, კიდევ უფრო ლიბერალური კურსის გატარებისა, რაც შეიძლება კიდევ უფრო მეტად გარიყვის წინაპირობა გახდეს.

ღალატი ღალატია. დათოს, ალასანიას და სხვებს, რომლებმაც გადამფრენი ფრინველებივით მოქცევა დაიწყეს და სადაც თბილი ქვეყანა ეგულებათ იქით მიისწრაფვიან, არაფერი აღარ გამოუვათ!"_ წერს ლევან ლორთქიფანიძე ფეისბუქის საკუთარ გვერდზე.

შეგახსენებთ, რომ "რესპუბლიკური პარტიის ლიდერის, დავით უსუფაშვილის პარტიიდან წასვლის შესახებ განცხადების გაკეთების შემდეგ, ცნობილი ხდება, რომ "რესპუბლიკელები" ფრიდონ საყვარელიძემ და თენგიზ შერგელაშვილმაც დატოვეს.