საქართველოს ენერგეტიკისა და წყალმომარაგების მარეგულირებელი ეროვნული კომისიის თავმჯდომარემ, ირინა მილორავამ ერთი წლის განმავლობაში 147 750 ლარის შემოსავალი მიიღო, რაც წინა წლის შემოსავალთან შედარებით 12 062 ლარით ნაკლებია.
ამის შესახებ მის ქონებრივ დეკელარაციაშია აღნიშნული, რომელიც 2016 წლის 26 ოქტომბერს შეავსო.
დეკლარაციის თანახმად, მილორავა თბილისში ორ ბინას ფლობს. ვაჟა-ფშაველას გამზირზე მდებარე ბინის ფართობი 72.00 კვ.მ-ია; თამარაშვილის ქუჩაზე მდებარე ბინის ფართობი კი – 143.10 კვ.მ.
დეკლარაციის შევსების მომენტში საქართველოს ბანკის მიმდინარე ანგარშზე მას 56.51 ლარი, თი–ბი–სი ბანკის სახელფასო ანგარიშზე 75.49 ლარი, ხოლო ამავე ბანკის საკრედიტო ანგარიშზე 12 100 ლარი ერიცხებოდა. გარდა ამისა, ნაღდი ფულის სახით 3500 დოლარი ჰქონდა.
როგორც ზემოთ აღვნიშნეთ, ირინა მილორავას საქართველოს ენერგეტიკისა და წყალმომარაგების მარეგულირებელი ეროვნული კომისიის თავმჯდომარეობისთვის გასულ წელს 147 750.00 ლარი აქვს მიღებული, 2015 წლის დეკლარაციის მიხედვით კი, მისი შემოსავალი 159 812 ლარი იყო.
დეკლარაციის მიხედვით, ირინა მილორავას სახელზე ოთხი სესხია – 70000.00-დოლარიანი იპოთეკური საკრედიტო ხელშეკრულება (ხელშეკრულების ამოწურვის თარიღი 28/09/2015) "საქართველოს ბანკთან" მას 2011 წლის 5 ოქტომბერს აქვს დადებული. რისი პროცენტის დასაფარადაც ერთი წლის განმავლობაში 45380.00 დოლარი აქვს გადახდილი.
20 000.00-დოლარიანი საკრედიტო ხელშეკრულება (ხელშეკრულების ამოწურვის თარიღი 28/09/2015) "საქართველოს ბანკთან" 2014 წლის 3 ნოემბერს დადო და პროცენტის დასაფარად 20482 დოლარი აქვს გადახდილი;
150000.00-ლარიანი ხელშეკრულება (ხელშეკრულების ამოწურვის თარიღი 02/10/2020) "თი-ბი-სი ბანკთან" დაახლოებით ერთი თვის წინ, 2015 წლის 25 სექტემბერს დადო, პროცენტისთვის კი, 6923.08 ლარი აქვს გადახდილი.
რაც შეეხება PRIME CARD, 12 100.00-ლარიან სესხს (PRIME CARD), მასზე ხელშეკრულება 2013 წელს აქვს გაფორმებული (03/10/2013, 03/10/2013 – მხარეთა შეთანხმებით, თი-ბი-ბანკი), თუმცა ამ სესხიდან შემოსავალ-გასავალი დეკლარაციაში არ ფიქსირდება.
დეკლარაციაში ასევე აღნიშნულია, რომ ირინა მილორავამ ბინის სარემონტო სამუშაოებისთვის 50 000 ლარი დახარჯა.
ცნობისთვის, ირინა მილორავა საქართველოს ენერგეტიკისა და წყალმომარაგების მარეგულირებელი ეროვნული კომისიის თავმჯდომარედ 2013 წლის 17 სექტემბერს დაინიშნა.
ამავე თემაზე:
